Bu qiziq

Insoniyat tarixidagi eng yosh qirol kim?

Комментариев нет

Qirollik – insondan juda katta mas’uliyatni talab qiluvchi tushuncha. Ba’zan ushbu mas’uliyat yuki katta yoshli inson emas, bolalarning yelkasiga yuklatilishi ham mumkin. Insoniyat tarixidagi eng yosh qirollar kim bo’lgani haqida bilasizmi?

Bugungi kunning eng yosh qiroli

Qirollik va podsholik nufuzi bugungi kunga qadar saqlanib qolganidan xabardorsiz. Dunyoda shunday mamlakatlar borki, bu yerdagi hokimiyat hamon avloddan avlodga o’tib keladi. Ba’zan qirollar taxtga juda erta chiqishga majbur bo’ladilar. Ugandaning Toro qirolligini boshqarib kelayotgan va bugungi kunning eng yosh qiroli hisoblangan Oyo aynan shunday insonlardan biridir.

Insoniyat tarixidagi eng yosh qirol kim?

Ayni vaqtda u 22 yoshda. Bu vaqtga kelib qirol Oyo hokimiyatning qonun-qoidalarini yaxshigina tushunib olgan. U taxtga chiqqan vaqtlari 3 yoshda edi. Mitti qirol uchun juda kichik taxt yasalgan, qirol ulg’aygani sayin taxt o’lchamlarini ham o’zgartirib boraverganlar. Qirol uchun marosimlar qoidasi ham o’zgartirilgan. Qasamyodlar vaqtida unga o’yinchoqlarga ovunib o’tirishga ruxsat berilgan. Avvaliga hukumat ishlari vazirlar hamda ona qirolicha qo’lida bo’lgan. Keyinchalik Oyo ulg’ayib, menejment va biznes sohasida tahsil oldi, o’zining qirollik majburiyatlarini to’laqonli ravishda bajarishga ham kirishdi.

Bugungi kunda uning fuqarolari qirolga juda yaxshi ta’rif beradilar. U soliqlar borasida o’ta adolatli, gumanitar-ijtimoiy loyihalar uchun katta pul ajratadi, sog’liqni saqlash masalasi haqida qayg’uradi va mamlakat odamlarining hayotini yaxshilash uchun tinmay kurashadi.

Insoniyat tarixidagi eng yosh qirol kim?

Tarixdagi eng yosh qirollar

Tarixdagi eng yosh hukmdorlardan biri fir’avn Tutanxamon hisoblanadi. U Qadimgi Misr taxtiga chiqqan vaqtlari atigi 9 yoshda bo’lgan. Fir’avn 10 yil davomida hukmronlik qilgan bo’lsa ham, o’zidan avvalgi hukmdorlar xatosini takrorlamagan, mamlakat poytaxtini Amarnaga qaytargan va 19 yoshida vafot etgan.

Insoniyat tarixidagi eng yosh qirol kim?

Ruslarning podshosi sanalmish Ivan IV (Ivan Grozniy) 3 yoshida taxtga chiqqan edi. Bunga otasi Vasiliy III ning o’limi sabab bo’lgan. Oradan 5 yil vaqt o’tib podsho onasidan ham ayrilgan. Ko’plab dushmanlar qurshovida qolib ketgan bolakayni ochlik bilan azoblashgan, qamoqda saqlashgan, undan qo’g’irchoq podsho tarbiyalashga harakat qilishgan.

Oqibatda, Ivan Vasilevich Grozniy Rossiya tarixidagi eng shafqatsiz hukmdor sifatida nom qozongan. Bunga sabab bo’lgan narsa esa uning barbod etilgan bolalik yillari edi.

Insoniyat tarixidagi eng yosh qirol kim?

loading…

Related Articles

Добавить комментарий

Ваш адрес email не будет опубликован. Обязательные поля помечены *

Заполните поле
Заполните поле
Пожалуйста, введите корректный адрес email.

XOH IShONING, XOH IShONMANG…
XOH IShONING, XOH IShONMANG…
Меню