Iblis kamari: mudhish va dahshatli hodisalari bilan mashhur bo’lgan sayyoramizdagi eng sirli va xavfli joylar (+foto)

Please log in or register to like posts.
News
Iblis kamari: mudhish va dahshatli hodisalari bilan mashhur bo'lgan sayyoramizdagi eng sirli va xavfli joylar (+foto)

Qadim zamonlardan beri odamlar koinotni zabt etishga harakat qiladilar. Yerdan tashqaridagi hayotni o’rganish uchun qanchadan-qancha kuchlar saflanayapti. Ammo biz o’z sayyoramizda nimalar bo’layotganini oxirigacha tushunib yetmaymiz ham.

Yer yuzida shunday joylar borki, u yerga bormagan ma’qul. Bir qarashda, bu hudud boshqa joylardan farq qilmaydi. Ammo bu faqat birinchi qarashda. Bu joylar sirli voqealar bilan to’la, go’yoki ummon va atmosfera g’azablangandek, misli ko’rilmagan darajada, haddan tashqari kuchli bo’ron va to’fonlar sodir bo’ladi. Mingdan ortiq insonlarning hayotiga zomin bo’lgan sayyoramizning eng sirli joylaridan biri “Iblis kamari”, deb ataladi.

Iblis kamari haqiqatan ham 30 daraja shimoliy kenglik bo’ylab joylashgan poyas kabi Yerni aylanib chiqadi va beshta anomal qismdan iborat: Bermud uchburchagi, Iblis dengizi, Gibraltar toji, Afg’on afsonasi va Gavayi anomaliyasi. Ushbu sirli joylar bir-biridan teng masofada joylashgan va ularning orasidagi masofa aniq 72 darajaga teng. Quyida ularning uchta qismi bilan tanishing.

Bermud uchburchagi

Bermud uchburchagi – bu Atlantika okeanidagi joy bo’lib, uning hududida g’ayritabiiy va tushunib bo’lmaydigan voqealar yuz berayotganligi bilan tanilgan. Ushbu iblis o’pqoni radiusiga tushib qolgan har qanday narsa g’oyib bo’ladi. Xristofor Kolumb o’sha mudhish Atlantika hududini kesib o’tgan birinchi taniqli sayohatchi edi, endi biz uni Bermud uchburchagi deb ataymiz. Uning kema jurnalida dengiz suvi, suv o’tlari bilan to’lgan, kompas ko’rsatgichining g’ayrioddiy xatti-harakati, to’satdan paydo bo’lgan alangalanish tili va dengizning g’alati porlashi haqidagi voqealar qayd qilingan.

Iblis kamari: mudhish va dahshatli hodisalari bilan mashhur bo'lgan sayyoramizdagi eng sirli va xavfli joylar (+foto)

Bu yerda okean tubida hosil bo’lib, ekipaj a’zolariga ta’sir qiladigan, vahima qo’zg’aydigan ultratovush tebranishlarni, vaqt tuynugiga tushib qolish yoki bo’shliqning yorilishi kabi hosidalarning guvohi bo’lish mumkin. Shuningdek, balandligi 3-5 metrgacha to’lib toshgan to’lqinlar to’satdan 25 metrli “vahshiy” ga aylanib, kemani o’z domiga tortib ketishi mumkin.

Gibraltar tizmasi

Keyingi iblis o’pqoni  Gibraltar tizmasi deb ataladi. U Jazoirda joylashgan va uzoq vaqtdan beri yomon nom bilan shuhrat qozongan. Vaqti-vaqti bilan cho’lning bepoyon kengliklarida qandaydir tushunarsiz sovuq hushtak eshitiladi. Bir vaqtning o’zida har tomondan eshitiladi, shuning uchun uning manbasini aniqlab bo’lmaydi. Avvaliga shitirlash ovozi eshitiladi, asta-sekin u o’sib, quloqni teshguday o’tkir hushtakka aylanadi.

Iblis kamari: mudhish va dahshatli hodisalari bilan mashhur bo'lgan sayyoramizdagi eng sirli va xavfli joylar (+foto)

Avvaliga bu hushtak odamda noma’lum xavotir tuyg’usini keltirib chiqaradi, keyin bezovtalik kuchayadi va bir muncha vaqt o’tgach, odamda hayvoniy qo’rquv paydo bo’lib, uni vahima ichida yugurishga majbur qiladi. U yo’lni tanlamay, shunchaki bu dahshatli tovushdan qochishga harakat qiladi. Dahshatli hushtak bir necha soat davom etishi, odamlarni va hayvonlarni aqldan ozdirishi mumkin. Keyin u qanday boshlangan bo’lsa, shunday to’satdan to’xtaydi.

Iblis dengizi

Endi sayyoramizning sharqiy yarim shariga nazar tashlaymiz. Tinch okeanida, Yaponiya sohillaridan unchalik uzoq bo’lmagan joyda g’ayrioddiyligi bilan Bermud uchburchagidan qolishmaydigan «Iblis dengizi» degan joy mavjud. Bu dengizda ham mudhish va qo’rqinchli hodisalar bo’lib turadi. Qadimgi zamonlarda ham mahalliy aholi dengiz tubidagi bu joyda turli xil dengiz mahluqlari, jinlar va bahaybat tishli baliqlar yashaydi, deb ishonishgan. Baliqchilar bu suvlarda ular hech qachon kitlar va delfinlarni ko’rmaganliklarini ta’kidlamoqdalar. Va bu yerda eng keng tarqalgan hodisa – mayda to’lqinlarning to’satdan g’azablanib, 15-20 metr balandlikka ko’tarilishidir.

Iblis kamari: mudhish va dahshatli hodisalari bilan mashhur bo'lgan sayyoramizdagi eng sirli va xavfli joylar (+foto)

Qo’rqinchli joyning harakterli belgisi suv rangining o’zgarishi: ertalab qizg’ish rangga ega bo’lishi mumkin, va tushdan keyin u to’q jigar rangga aylanadi. Katta hududda suvning baqir-buqir qaynashi begona odamni vahimaga solishi turgan gap. Okean yuzasi oq ko’pik bilan qoplanadi, choynakning qaynashiga o’xshash tovush keladi, faqat ancha balandroq: bu okean tubidan chiqayotgan gazlardir.

Bunday tortishish o’chog’iga borib qolgan kema osongina ummon tubiga g’arq bo’lishi tabiiy. Bu gazlarning zichligi dengiz suvining zichligidan bir necha baravar past bo’lganligi uchun ko’p tonnali kema suv ustida tura olmay, ko’p kilometrli dengiz tubiga cho’kib emas, bittada tushib ketadi. Va bu narsa birdaniga va tezda sodir bo’ladi. Shuning uchun Iblis dengiziga tushgan ko’plab kemalar o’z ona tuproqlariga qayta olmaydi.

Добавить комментарий

Ваш адрес email не будет опубликован. Обязательные поля помечены *