Hindistonning Kalangut shahri (Goa shtati)da zamonamizning eng yaxshi futbolchilaridan biri Krishtianu Ronalduning haykali o’rnatildi. Bu haqda «Times of India» xabar berdi.

Bu kimning haykali? Tanidingizmi?

«Manchester Yunayted» klubi va Portugaliya milliy jamoasi futbolchisi sharafiga o’rnatilgan haykal tannarxi chamasi 15 ming yevro. Haykalning og’irligi — 410 kg.

Goa shtati vaziri Maykl Lobo tvitterda haykalning ikkita suratini joylab, shunday yozdi:

«Futbolga muhabbatimiz va yoshlarimizning iltimosidan kelib chiqib, yoshlarimizni futbolni yanada yuksakka ko’tarishga ilhomlantirish uchun bog’da Krishtianu Ronalduning haykalini o’rnatdik».

Haykal bor joyda, albatta, tanqidlar ham bo’ladi… Joyli aholining aksariyatiga Ronalduning haykali o’rnatilgani yoqmadi. Hukumatimiz bironta hindistonlik sportchiga haykal qo’ysayam bo’lardi-ku, deyishmoqda tanqidchilar.