Tabassum lahzasi: shogird ustozidan so'radi…

Tabassum lahzasi: shogird ustozidan so’radi…

Shogird ustozidan so’radi:

– Ustoz, nega men 12 yildan beri o’qishga kira olmayapman? Buning sinoati nedir?

Ustoz chuqur o’yga toldi va vazminlik bilan javob berdi:

– Bo’tam, siz tong quyoshining tog’lar ortidan sekin-astalik bilan chiqishini, maysalar ustidagi qirovni qitiqlab eritib, tiniq shabnam tomchilariga aylantirishini kuzatasizmi?

– Albatta, ustoz.

– Tog’dan sharqirab, olamga shovqin solib tushayotgan sharsharaning, daryoda sokin mavjlanayotgan suvning so’zlariga quloq solasizmi?

– Shubhasiz, ustoz.

– Kumush qadahga to’ldirib quyilgan mayning yuzida o’z aksingizni ko’rganda chuqur o’yga tolasizmi? Hayotning ma’nosi haqida fikr yuritasizmi?

– Juda ham ko’p marta, ustoz.

– Oydek suluv go’zalning ko’ksiga boshingizni qo’yib, uning har bir yurak urishida namoyon bo’lgan muhabbatni vujudingizda his qilasizmi?

– Deyarli har kuni, ustoz.

– Ha, padaringga la’nat! Vaqtingni bunaqa bekorchi narsalarga sarflamasdan, ketingni bir joyga qo’yib, qunt bilan o’qiganingda, hozir professor bo’lib yurgan bo’larding! – degan ekan ustoz…

Malika A’zamjonovna

(“Qo’qonjonim” guruhidan)

Tabassum lahzasi: shogird ustozidan so'radi…
loading…

Добавить комментарий

Ваш адрес email не будет опубликован. Обязательные поля помечены *