Xotin kurortdan turib, eriga qo’ng’iroq qildi.

— Mushugim qalay?

— Mushuging o’lib qoldi.

— Hoy, baraka topkur, shu xabarni sal chiroyliroq, madaniyatli odamlardek aytsangiz ham bo’ladi-ku!

— Qanday qilib?

— Masalan, mushuging tomda o’tirgandi, bexosdan pastga qulab tushdi, desangiz.

— Xo’p!

— Xo’sh, oyijon qalay?

— Qaysi biri?

— Mening oyim qalay, deb so’rayapman?

— Tomda o’tiribdi.

***

Chiroyli bir qiz dugonasiga telefon qilib dedi:

— Voy, dugonajon, boshimga katta kulfat tushdi!

— Nima bo’ldi, tirnog’ingni sindirib qo’ydingmi, a?

— E-e, yo’q! Erim reanimatsiyaga tushib qoldi.

— Eringning rangi-ro’yi yaxshi edi-ku, nima biror kasali bor ekanmi, a?

— Dugonajon, to’g’risini aytsam, o’zim ham tushunmay qoldim. Xullas, erimni ishxonasida qanaqadir raqamlarmiey, sonlarmiey, ishqilib, nimadir urib ketibdi.

— Qanaqa raqamlar, qanaqa sonlar?

— Bilmadim, adashmasam, 220 deyishganday bo’ldi…

 ***

— Azizim, meni sevasizmi?

— Nima? Boshqa variant ham bormi?..

 ***

Tinchgina ingliz shaharchalaridan biri. Yo’lda bir mashina soatiga 25 mil tezlik bilan kelmoqda. Politsiyachi mashinaga yetib oldi-da, ulovni to’xtatdi. Mashinada yoshi bir joyga borib qolgan to’rt ayol bo’lib, barchasining rangi oqarib ketgan, yuzlarida qon yo’q edi.

— Nimaga mashinani bunchalik sekin haydayapsiz? — deb so’radi politsiyachi.

— Nimaga endi sekin bo’larkan? Biz yo’l belgilarida ko’rsatilgan tezlik bo’yicha ketyapmiz.

— Ammo bu ruxsat berilgan tezlik emas, balki shossening raqami-ku! Undan keyin nima uchun dugonalaringizning rangi oqarib ketgan? Ular nimadan bunchalik qo’rqishdi?

— O! Xavotir olmang, ular bir pasda o’zlariga kelib qolishadi. Shunchaki biz bundan avval «ikki yuz» deb yozilgan shossedan yurgan edik…