КУН КУЛГИСИ…

 

* * *

Болакай дўстларига ҳасрат қиляпти:

— Жуда қийналиб кетдим. Олдинига стенокардия, кетидан атеросклероз. Энди улардан қутулгандим, псориаз пайдо бўлди. Кетидан сариқ, ичкетар, юрак хуружи, жигар раки…

— Во, қандай чидадинг?..

— Ўзим ҳам билмайман. Ҳали ҳеч қачон менга бундай қийин диктантни ёзиш тўғри келмаганди.

* * *

Врач ҳузурига жуда-жуда озиб кетган йигит кириб келди. Уйқусизликдан шикоят қилди.

— Дўхтир, кечаси ҳовлида мушуклар бақиргани-бақирган! Эрталаб ишга боришим керак. Улар бўлса, уйқу беришмайди…

Врач унга ухлатадиган дори ёзиб берди. Бир ҳафтадан сўнг йигитдан сўради:

— Хўш, дорилар ёрдам бердими?

— Йўқ.

— Нега?

— Мен ўша мушукни тутдим ҳам дейлик. Аммо бу дориларни оғзига тиқиб мажбуран ичириш қўлимдан келмайди-ку!

* * *

Хитой дўконларидан бирига харидор кириб сотувчидан сўради:

— Сизларда кўринмас ручкалар борми?

— Ҳа, қайси рангидан керак?

* * *

Автобусда икки қиз кетиб боришарди. Бир йигит уларга яқин келди-да, деди:

— Ў, қандай чиройлимиз-а!..

— Вой-вой-вой!!!

— Майли, майли… Ҳазиллашдим…

* * *

Эркак қизчаси билан ўйнаётганди. Қизчаси кутилмаганда ўйиндан тўхтади-да, дадасини туртиб юбориб деди:

— Бўлди, бошим оғрияпти.

Эркак ўтириб хотинига тикилиб тургач, ўзича ғудраниб қўйди:

— Нима бало, сизларни бош оғришига болаликдан ўргатишадими?

* * *

Терговчининг қизи отасига деди:

— Дада, мен ҳомиладорман! Мана гумондор шахсларнинг рўйхати!

* * *

Ғижжакчи шаҳар газеталаридан бирининг бош муҳарририга бақира кетди:

— Мухбирингиз қанақанги саводсиз одам-а? Мен унга ғижжакда буюк Страдиварини ижро эта оламан десам, мақоласида бу ҳақда биронта сўз йўқ!

— Шунақами? Ўша Страдиварингиз ўзини газетада реклама қилмоқчи бўлса, ҳар бир қатор учун ўн доллардан тўласин!

* * *

Икки йигит олдинма кетин кечаси қалин ўрмонда кетиб боришарди. Олдиндагиси тўсатдан тўхтаб чўнтагидан пичоқ чиқарди-да, орқадагига ўқталди.

— Пул борми?..

Орқадаги йигит ҳам хотиржамгина қўйнидан болта чиқарди.

— Пулни нима қиласан?

— М-м-майдаламоқчийдим.

* * *

Меҳмонхона админстратори ёш келин-куёвлардан сўради:

— Сизларни қачон уйғотиб қўяй?

— Соат кечаси бирда, учда ва бешда.

* * *

Эркак дўстига деди:

— Кеча тиббиёт мавзусида лекция тинглагандим. Айтишларича, аёл билан ўпишиш саломатликка тўғри келмас экан. Ўта зарарли дейишяпти. Сен шунга ишонасанми?

— Албатта. Кеча директоримизнинг қизини ўпгандим. Ишимдан, ҳам иккита соғ тишимдан айрилдим.

Олимжон ҲАЙИТ тайёрлади

Олимжон Ҳайитнинг турли мавзулардаги хабарлари, мақолалари, ҳикоялари энди “Телеграмм” даги алоҳида каналда! Бизга қўшилинг, афсусланмайсиз!

t.me/olimjonhayit

 

 

 

Manba