* * *

Boyvachchaning xotini uyidagi xizmatchi ayolni ishdan haydadi. Ayol chiqib ketayotib, hovlida yotgan itning yoniga bir nechta tangani irg’itdi. Boyvachchaning xotini so’radi:

— Bu nima qilganing?

— Siz yo’g’ingizda itingiz hamma idishlarni yalab yaraqlatib qo’yardi. Ish haqini beryapman.

* * *

Erkak o’zi yashaydigan uy pod’yezdida turardi. Bir mahal qo’shninikidan baqir-chaqir, nimaningdir chil-chil singani eshitildi. Sal o’tmay, qo’shni erkak qo’lida siniq 3D ko’zoynak bilan chiqib keldi. Erkak so’radi:

— Nima bo’ldi, qo’shni?

— Padariga la’nat! 3D televizor sotib olgandim.

— Nima bo’pti?

— Vey, boks tomosha qilayotgandim, uch marta sal bo’lmasa jag’imga tushirayozdi anavi Tayson yaramas!

* * *

Bolakay otasidan so’radi:

— Hayotda sizniyam oyingiz kaltaklaganmi?

— Yo’q, meni faqat sening oying kaltaklagan.

* * *

Yigit:

— Salom, sohibjamol!

Qiz:

— Rostdan men sohibjamolmanmi?

Yigit:

— Bilmadim.

Qiz:

— Nega unda sohibjamol dedingiz?

Yigit:

— Ismingni esdan chiqarib qo’ydim-da!

* * *

Yigit kompaniyaga ishga joylashish uchun kelib qabulxonadagi rahbar yordamchisiga dedi:

— Men ishga joylashish uchun suhbatdan o’tishga keluvdim.

— Qaysi lavozimga ishga kirmoqchisiz?

— Bilmadim.

— Kim sizni suhbatdan o’tkazmoqchi edi?

— Bilmadim.

— Nimani bilasiz o’zi?

— Bilmadim.

— Kechirasiz, kompaniya direktori lavozimiga kechagina odam oluvdik.

* * *

O’g’ilchasi hadeb bo’lar-bo’lmas savollar beravergach, ona unga dedi:

— Menga qara, agar quloqsiz bola bo’lsang-chi, men kasal bo’lib o’lib qolaman. Keyin meni qora mashinada qabristonga olib ketishadi.

O’g’il:

— Oyi, men haydovchining yonida o’tiramanmi?

* * *

— Dada, sizni tabriklayman!

— Nima bo’ldi, o’g’lim?

— Esingizdami, men bu yil ham beshinchi sinfda qolmasam, yuz dollar sovg’a qilishga va’da bergandingiz?

— Ha, esimda.

— Pulingiz yoningizda qoladigan bo’ldi.

* * *

Matematika darsi. Muallima doskada turgan o’quvchiga dedi:

— Esingda bo’lsin, kimdir senga darsni aytib bersa, bahoingni bir ballga kamaytiraman!

— Tushundim. Toshmat, aytaver! Ikki olgandan ko’ra to’rt olgan yaxshi-ku!

* * *

Bolakay qutqaruv xizmatiga qo’ng’iroq qilib dedi:

— Allo! Bizning podyezdda bir amaki bilan ayol liftga qamalib qoldi. Ayol rosa baqiryapti… Yaralangan shekilli.

* * *

Bashang kiyingan bir o’smir soliq mahkamsiga kelib uyoqdan buyoqqa borib kelardi. Shu payt soliqchilardan biri to’xtab so’radi:

— Yigit, sen bu yerga qanday kelib qolding? Senga nima kerak?

— Men Pavlik Morozovman!

— Shunaqami? Xotirjam bo’l! Dadang soliqlarning hammasini to’lab qo’ygan!

Olimjon HAYIT tayyorladi