* * *

Bolakay otasidan so’radi:

— Aytishlaricha, qish kelishi bilan hamma laylaklar issiq o’lkalarga uchib ketisharkan. Shu rostmi?

— Albatta rost, o’g’lim.

— Unda men qishda qanday tug’ilganman?

* * *

— Ishonasanmi, narigi mahalladagi Teshaboy uylangan kunining ertasiga lotereya o’ynab o’n million so’m pul yutib olibdi!

— Obbo, shu Teshaboyning sira omadi kelmadi-kelmadi-da!

* * *

Amerikalik ayol beshinchi marta turmushga chiqmoqchi bo’ldi va vrachdan maslahat so’rash uchun qabuliga keldi.

Vrach undan so’radi:

— Oldingi uch eringiz nimadan o’lgan?

— Qo’ziqorindan zaharlanib o’lgan.

— To’rtinchisi-chi?

— Miya chayqalishidan o’lgan.

— Miyasi nimadan chayqalgan?

— Qo’ziqorin yeyishdan bosh tortgandi.

* * *

Gollivud aktrisasi vrach qabuliga kelib so’radi:

— Do’xtir, yechinaveraymi?

— Shart emas.

— Nega?

— Oxirgi filmingizni kechagina tomosha qildim.

* * *

Sudya:

— Ayblanuvchi, siz skleroz kasali bilan og’riganingiz, shu kasallik tufayli xotiningizni to’rtinchi qavatdan tashlab yuborganingiz haqida gapirdingiz. Buni qanday isbotlaysiz?

— Ilgari birinchi qavatda yashardik. To’rtinchi qavatdagi kvartiraga ko’chib o’tganimiz esimdan chiqib qolgan ekan.

* * *

Buvi qizaloq nevarasiga dedi:

— Hecham quloqsiz qiz bo’lmagin! Ana, bilasan-ku, Qizil Shapkachayam buvisining gapiga quloq solmagani uchun uni bo’rib yeb qo’ygan edi!

— Bilaman, bilaman, o’sha bo’ri buvisiniyam yeb qo’ygandi!

* * *

Militsiya bo’limiga erkak qo’ng’iroq qilib dedi:

— Il-ltimos, tez ye-etib kelinglar! M-mashinamning rulini, ichidagi hamma j-jihozlarini o’g’irlab ketishibdi!

Birozdan so’ng yana telefon jiringladi va go’shakdan xuddi o’sha mast erkakning tovushi keldi:

— Uzr, kelmay qo’ya qolinglar! Men adashib orqa o’rindiqqa o’tirib olgan ekanman!

* * *

Erkak do’stiga dedi:

— Qaynonam juda saxovatli ayol. Qizi bilan to’yimizga bir hafta qolganda, o’zining barcha qimmatbaho buyumlarini bizga sovg’a qilib yuborgan.

— E, mening qaynonamni saxovatli desa bo’ladi! Ishonasanmi, qizi bilan to’yimiz bo’lishiga bir yil qolganda, olamdan o’tgan.

* * *

Yozuvchi hamkasbiga hasrat qilyapti:

— Qanday dahshat! Kecha uch yashar o’g’ilcham yangi romanimning qo’lyozmasini pechkaga tashlab yoqib yuboribdi.

— Ie, uch yashar o’g’ling ham o’qishni biladimi?

* * *

Teleboshlovchi:

— Hurmatli teletomoshabinlar! Bundan buyon «Kinoseshanba» ko’rsatuvi shanba emas, dushanba kunlari efirga uzatiladi!

Olimjon HAYIT tayyorladi