KUN KULGISI…

Facebook orqali bo’lishish

Twitter orqali bo’lishish

* * *

Polkovnikning miyasini operatsiya qilishyapti. Jarroh uning bosh chanog’ini yechib olib miyani sug’urdi. Shunda ichkariga oddiy askar kirib baqirdi:

— O’rtoq polkovnik, sizga general-mayor unvonini berishibdi!

Bu xabarni eshitgan polkovnik dast o’rnidan turdi-da, boshiga kepkasini kiyib tashqariga otildi. Vrach undan so’radi:

— Kechirasiz, miya-chi?..

— E, endi menga miyaning nima keragi bor?

* * *

Harbiy qism kinoteatrida detektiv kino ketyapti. Bosh qahramon ayol  xiyonatkor erini otib o’ldirdi-da, ovozining boricha qichqirdi:

— Xudoyim, endi nima qilaman?

Zalda o’tirganlardan biri unga javoban dedi:

— Nima qilarding? Qurolni tozalab omborchiga topshir!

* * *

Serjant haydovchilarga yangi mashinaning qulay tomonlarini tushuntiryapti:

— Bu mashina eng so’nggi yangilik hisoblanadi. Tovushdan ham tezroq harakatlana oladi. Eng yaxshi tomoni shuki, siz hali motorga o’t qo’ymasingizdan kasalxonada turgan bo’ladi.

* * *

— Jasur askar ehtiyotkor askardan nimasi bilan farqlanadi?

— Jasur askar komandirning kamchiliklarini yuziga aytadi.

— Ehtiyotkor askar-chi?

— U ham aytadi. Faqat… Telefon orqali aytadi.

* * *

Ona besh yashar o’g’liga tanbeh beryapti:

— Hadeb sakrayvermagin, qorning katta bo’lib qoladi!

Bola ko’chaga chiqsa homilador ayol turibdi. Sekin yoniga kelib dedi:

— Ana shunaqa bo’ladi. Kamroq sakrash kerak edi.

* * *

Bola bobosiga dedi:

— Bobo, pensiyangizdan menga ming so’m qarz berib turing! Pensiyaga chiqqanimda qaytaraman.

* * *

Kechki ovqat mahali. Oila a’zolari ovqatlanishyapti. Ona kichik o’g’liga dedi:

— Suyakni dadangga ber! Sen it emassan-ku!

* * *

— Bugun xotinim kurortdan turib qo’ng’iroq qildi. Uch kiloga ozganmish.

— O’, zo’r-ku!

— Nimasi zo’r? Uning o’sha turishiga uch kiloga ozishi «Neksiya»ni uch so’m arzoniga sotib olish bilan baravar.

* * *

Bir yigit o’zini yomon his qilib, kasalxonada to’liq tekshiruvdan o’tishga qaror qildi. Tekshiruvlar tugagach, vrach unga dedi:

— Sizni hech nima bilan xursand qila olmayman. O’pkangizning bittasini olib tashlashga to’g’ri keladi.

— O’pkam soppa-sog’ edi-ku!

— Bilaman. Biroq jigarga joy yetmayapti.

* * *

— Do’xtir, tuni bilan uyqu orasida xurrak otaman. O’zimning xurragimdan o’zim uyg’onib ketaman. Nima qilay?

— Boshqa xonaga kirib yoting!

Olimjon HAYIT tayyorladi

Facebook’dagi sahifamizda yangiliklarni kuzatish yanada qulay!

Marhamat! A’zo bo’lish uchun “Nravitsya stranitsa” tugmasini bosing: