Kulgu

Kun kulgisi

Комментариев нет

Bir kishi mashinasini haydab ketayotsa, yo’l chetida to’rtta yigit bitta odamni urayotgan ekan.

— Nima qilyapsanlar to’rtalang bitta odamni urib? — so’rabdi haydovchi to’xtab.

— Chorrahada buzilgan kameralarni tuzatadigan ustani ushlab oldik, — debdi yigitlar.

Shunda haligi odam:

— Qo’l bilan urishning nima hojati bor?! Oyoq bilan tepa qolinglar! — dermish.

* * *

Qizi maktabdan kelib, dadasiga debdi:

— Biz bugun ikki karra ikkini o’rgandik.

Dadasi:

— Xo’sh, nechchi bo’lar ekan?

— To’rt bo’ladi.

Dadasi qiziga to’rtta konfet bersa, qizi dermish:

— Voy, bilganimda yigirma derdim…

* * *

Oylik maoshini olgan ishchi kassirga qarab debdi:

— Siz menga adashib, ellik ming kam berdingiz!

Kassir:

— O’tgan safar sizga ellik ming ko’p berib yuborgan ekanman. Nega o’shanda adashganimni aytmadingiz?

— Bir marta adashsangiz, mayli, kechirdim. Ikkinchisiga qarab tura olmayman-ku!

* * *

Hamma kosmetika vositalari ham birdek foydali emas. Ayniqsa, erkaklar ko’ylagidagi lab bo’yog’i hayot uchun xavflidir!

* * *

Bankni tunagan o’g’ri pullarni sanab ko’rib:

— Bor-yo’g’i ellik million ekan, — dedi g’azabli ohangda.

Shu payt radiodan: «Shahrimizda joylashgan banklardan birida o’g’rilik sodir etildi. Noma’lum shaxs tomonidan bir milliard pul o’g’rilab ketildi”, — degan xabar tarqaldi. O’g’rining battar jahli chiqib, o’ziga o’zi ming’irlab dedi:

— Hayotimni xavf ostiga qo’yib, atigi ellik million o’g’irlay oldim, xolos! Bank boshqaruvchisi esa o’tirgan joyida to’qqiz yuz ellik million ishlab oldi-ya!

* * *

Dunyodagi 95 foiz qizlar bir xil turdagi yigitni orzu qilishadi: ichmaydigan, chekmaydigan, oliyjanob, haddan ziyod tartibli, juda kelishgan, badavlat, quvnoq, farosatli, aqlli. Lekin shuncha ijobiy xislatlari bo’la turib, hanuzgacha bo’ydoq yurgan yigitni hech kim ko’rmagan!

* * *

Bir yigitdan so’rashibdi:

— Qaysi oliy o’quv yurtiga o’qishga kirmoqchisan?

— DPEJga.

— Qaysi universitet ekan u?

— Dadamning puli yetgan joy!

* * *

Bir ayol e’lonlar agentligiga murojaat qilibdi:

— Iltimos, saytingizga e’lon joylashtirsangiz. Kuchuk bolasi yo’qolib qoldi. U hali judayam kichkina…

— Surati bormi?

— Ha, mana!

— Axir bu erkak kishining rasmi-ku?

— Bu mening erim. Yo’qolgan kuchukchamiz uning qo’llarida turibdi. Yaxshilab qarang, ko’rasiz!

Teglar: ,

Related Articles

Добавить комментарий

Ваш адрес email не будет опубликован. Обязательные поля помечены *

Заполните поле
Заполните поле
Пожалуйста, введите корректный адрес email.

Kun kulgisi
«DISKOTEKA» (hajviya)
Меню