KUN KULGISI…

* * *

— Oh, dugonajon, chiday olmayman! Erim yashshamagur bir o’zimni bu dunyoda yolg’iz qoldirib o’li-ib ketaverdi!.. Yo’q, men ham o’zimni o’ldiraman! Erimning yonida bo’lishni istayman.

— Menga qara, eringni hech bo’lmasa o’sha yoqlarda tinch yashashga qo’ysang-chi!

* * *

Ruhshunos bemordan so’radi:

— Xo’sh, partiya yig’ilishlaridan bahra ola boshlaganingizni qachon payqab qoldingiz?

* * *

Er-xotin janjallashyapti:

— Vey, nega menga turmushga chiqqansan-a? Har kuni qonimni ichish uchunmi?

— Men o’shanda bunchalik ahmoq ekaningizni bilmagandim.

— Yolg’on gapirma! Ahmoqligimni juda yaxshi bilgansan.

* * *

Qurol-aslaha do’konida.

— Menga 45 kalibrli to’pponcha bering!

— Xonim, sizga to’pponcha himoyalanish uchun kerakmi?

— Yo’q, himoyalanish uchun men advokat yollayman.

* * *

— Oyi, agar bir soat jim o’tirsam, bitta iltimosimni bajarishga va’da bergandingiz.

— Ha.

— Endi kechgacha baqirsam maylimi?

* * *

G’oz qahvaxonaga kirib tort va qahva oldi. Stol ustiga qo’yib, qanotlarini chayib kelish uchun tashqariga chiqdi. Qaytib kirsa, qahva yo’q. Ovozining boricha baqirdi:

— Kim mening qahvamni ichdi?

Jimlik.

— Kim mening qahvamni ichdi?

Shunda baland bo’yli yovvoyi cho’chqa o’rnidan turdi.

— Men ichdim. Nimaydi?

G’oz (bo’shashgancha):

— Tortniyam yeb qo’ya qolmabsiz-da, oka!

* * *

Yovvoyi cho’chqani o’rmon tergovchisi etib tayinlashdi. U bir kuni Tulkini kabinetga olib kirib so’roq qila boshladi:

— Ustingdagi kimning yungi?

— O’zimniki.

— Yo’q, o’g’irlagansan, o’g’irlagansan!

Tulki turmaga jo’natildi. Zerikib o’tirsa, kameraga g’oz kirib keldi.

— G’oz, seni nima uchun qamashdi?

— E, yovvoyi cho’chqa: «Har yili qaysi daromad evaziga janubga uchasan?» deyaverib bezor qildi.

* * *

Xotin gazeta o’qiyotib birdan boshini ko’tardi-da, eriga dedi:

— Qarang, odamning umrini yuz ellik yilga uzaytiradigan moslama ixtiro qilishibdi.

Er og’ir xo’rsinib javob qildi:

— Ha-a, agar bo’ydoq bo’lganimda, albatta o’sha moslamani sotib olgan bo’lardim.

* * *

Poezd kupesida gruzin qo’shni ayolga savol tashladi:

— Turmushga chiqqanmisiz, xonim?

— Ha.

— Bolalaringiz ham bormi?

— Ha, o’g’lim 23 yoshda.

— Xayrli tun!

* * *

— Do’xtir, manavi yerimning qaerlaridir og’rib ketyapti!

— Hozir men sizga qanaqadir dorilar yozib beraman.

* * *

Abramovich Isroilga sayyoh sifatida tashrif buyurdi va ortga qaytish arafasida mamlakat bosh prokurori undan so’radi:

— Kechirasiz, ketish oldidan biroz o’tirmaysizmi?

Olimjon HAYIT tayyorladi

Facebook’dagi sahifamizda yangiliklarni kuzatish yanada qulay!

Marhamat! A’zo bo’lish uchun «Nravitsya stranitsa» tugmasini bosing: