* * *
Камбағалдан сўрашди:
— Мабодо катта бойлик топиб олсангиз, қаерда сақлаган бўлардингиз?
— Орзуларим оғушида.
* * *
Грузин хотинидан сўради:
— Янги қўшнимиз нима иш қиларкин-а?
— Билмадим. Кечқурун пичоқ қайрайди. Эрталаб уйига бир даста пул кўтариб келади… Чилангар бўлса керак.
* * *
Грузинникига ўзбекистонлик дўсти меҳмон бўлиб борди. Грузин уни машинада шаҳарни томоша қилдирмоқчи бўлди. Улар йўлга отланишди. Грузин қизил чироқдан ўтиб кетгач, ўзбек сўради:
— Нега қизил чироқдан ўтиб кетдинг?
— Чунки, мен жигитман!
Кейинги светофорнинг яшил чироғи ёнгач, грузин машинани таққа тўхтатди.
— Ие, нега яшил чироқда тўхтадик?
— Нариги бурчакдан бошқа бир «жигит» чиқиб қолиши мумкин.
* * *
Икки чукча дарёда қайиққа ўтириб олганча балиқ овлашарди. Бири бошида, иккинчиси қайиқнинг орқа тарафида. Бир маҳал олдиндагиси орқага ўгирилса, шериги йўқ. У ёққа қаради, бу ёққа қаради. Шеригидан дарак бўлмади. Орадан ўн дақиқалар ўтиб шериги сув остидан сакраб чиқди.
— Вей, қаерда эдинг? Чўкиб кетдингми деб хавотир олиб ўтиргандим.
— Чўкиб жинни бўлибманми? Қармоқдаги чувалчангни алмаштириб чиқдим.
* * *
— Дўстим, маслаҳат бер. Бадавлат, лекин ёши катта бева хотинга уйланайми, ё камбағал бўлса ҳам ёш, гўзал қизгами?
— Албатта, ёш, гўзалига уйлан! Асосийси, севги!.. Айтганча, боя бева деганинг қанақа ўзи? Манзилини бера олмайсанми?
* * *
Стюардесса касал бўлиб қолди. Учувчи нима қилишни билмай таниш журналист қиздан стюардессалик қилиб туришини сўради. Қиз рози бўлди.
Самолёт ҳавога кўтарилиш арафасида учувчи журналист қизга деди:
— Қани, йўловчиларга учиб кетаётганимизни эълон қил!
Журналист қиз:
— Ҳурматли йўловчилар, ҳозир катта шов-шувга гувоҳ бўласиз! Самолётимиз ҳавога кўтарилади!
* * *
Йигит нотаниш қизга ҳазиллашди:
— Яхши қиз, бундай чиройли қоматни қеардан олгансиз?
— Дўкондан сотиб олганман.
— Ие, юзингизни қайтимига беришдими?
* * *
Қизга нотаниш рақамдан смс келди.
— Таняхон, сени севаман!
Қиз жавоб жўнатди.
— Мен ҳам сизни севаман. Илтимос, телефонимга 5 минг сўм ташлаб қўйинг!
Жавоб смс келди.
— Сен ростдан ҳам Таняхонмисан?
— Агар телефонимга 5 минг сўм ташласангиз, ростдан ҳам Таняхонман.
* * *
Жинни бош врачга ўзи чизган суратни кўрсатяпти.
— Қаранг, суратда сигир маза қилиб кўк майсани еяпти!
— Майса йўқ-ку!
— Сигир еб қўйган-да!
— Сигир қани унда?
— Ие, жиннимисиз? Майса йўқ бўлса, сигир нима қилади ўтлоқда?
* * *
— Тошматов! Яна иш вақтида ухлаяпсизми? Сиз келаси ойнинг биринчи санасидан ишдан бўшатилдингиз!
— Уф-ф, ҳали биринчигача анча бор-ку! Нега ҳозирданоқ уйғотдингиз?
Олимжон ҲАЙИТ тайёрлади
Олимжон Ҳайитнинг турли мавзулардаги хабарлари, мақолалари, ҳикоялари энди “Телеграмм” даги алоҳида каналда! Бизга қўшилинг, афсусланмайсиз!
t.me/olimjonhayit
