* * *
Bashang kiyingan bir bosqinchi sekin bankdagi hisobchi qizga yaqin bordi-da, unga bir xat tutqazdi. Xatda shunday deb yozilgandi:
— Hamma pullarni xaltaga joylab, sekin mening qo’limga topshiring!..
Qiz boshqa qog’ozga shunday javob xati yozib o’g’riga uzatdi.
— Bo’yinbog’ingizni to’g’rilab oling! Sizni suratga olishyapti!
* * *
Turma yonidan o’tib ketayotgan go’zal bir qizga mahbuslar panjara ortidan turib qichqirishdi:
— Yaxshi qiz!.. 2050 yil kechqurun soat yettida bo’shmisiz?
* * *
Xaridor sotuvchiga baqirdi:
— Bu qanday insofsizlik? Menga shikoyatlar kitobini olib keling!
— Nechanchi tomini?
* * *
Ota o’g’liga dedi:
— Esingda bo’lsin, aqlli odam hamisha har bir narsaga shubha bilan qaraydi. Aqlsizlar esa hamma narsaga ishonib ketaverishadi.
— Ishonchingiz komilmi?
— Albatta.
* * *
Keksa xasis notariusga kirib so’radi:
— Men vasiyatnoma qolldirmoqchiydim. Siz bilan maslahatlashib olsam bo’ladimi?
— Ha.
— Ayting-chi, «Hech biring hech vaqo olmaysan» degan gap qo’shib yoziladimi, ajratibmi?
* * *
Baliqchi sherigining xotinidan so’radi:
— Eringiz ko’rinmaydi? Qaerda?
— Kasalxonada. Ahvoli juda og’ir.
— Ie, bugun ovga bormaydimi?
* * *
Gruzin do’stinikiga kelsa, u beliga arqon boylab olibdi. Hayron bo’lib so’radi:
— Nima qilyapsan?
— O’zimni osmoqchiman.
— Ie, unda arqonni bo’yningga boylamaysanmi?
— Bo’ynimga boylasam, nafasim qaytyapti.
* * *
Universitet professori imtihonda abiturientga dedi:
— Menga Jon Milton haqida gapirib bering!
— U uylangach, «Yo’qotilgan jannat» asarini yozgan. Xotini olamdan o’tgandan so’ng «Qaytarilgan jannat» asarini yaratgan.
* * *
O’g’il otasidan so’radi:
— Dada, go’sht yeyish odamni qaritadimi?
— Ha, lekin go’sht yegan odam sakson yoshdan keyin qariydi.
— Go’sht yemagan-chi?
— Qirq yoshdan keyin.
* * *
Xotin eriga dedi:
— Voy, tuz polga to’kildi. Endi janjallashib qolamiz.
— Balki janjallashmasmiz?
— Yo’q, fe’lim aynib bo’ldi. Janjallashmasak bo’lmaydi!
Olimjon HAYIT tayyorladi
Olimjon Hayitning turli mavzulardagi xabarlari, maqolalari, hikoyalari endi «Telegramm» dagi alohida kanalda! Bizga qo’shiling, afsuslanmaysiz!
t. me/olimjonhayit
