* * *
Ikki ayol suhbatidan:
— Yo’q, mening Ravshanbegim kechasi yig’lamaydi. Yig’lashni boshlashi bilan alla aytaman.
— Men ham ilgari shunday qilgandim. Lekin qo’shnilar: «Qo’y, Oynisa, undan ko’ra bolang yig’lay qolsin!» deyishgan.
* * *
Erkakka savol berishdi:
— Hayotda baxt muhimroqmi, salomatlikmi?
— Salomatlik.
— Nega?
— Yaqinda baxtimni uchratgandim, lekin salomatligim pand berdi.
* * *
Juhud do’stiga dedi:
— Og’ayni, sendan qarzim bor. Buni bilaman. Qarzingni qistasang, juda hijolatga tushaman. Qarzimni qaytarmasam, sen xavotirlana boshlaysan. Kel, shu qarzdan ko’ra ob havo haqida gaplashaylik!
* * *
— Dadasi, tug’ilgan kuningizga nima sovg’a qilay?
— Xotin, iltimos, tug’ilgan kunimda kar-soqov rolini o’ynab bergin!
* * *
— Kecha tungi soat beshgacha o’tirganimiz uchun xotining adabingni bergandir-a?
— Yo’q, manavi to’rtta tishimni baribir oldirish kerak edi.
* * *
Olmaning ichidan yerga uchib tushayotgan qurt baland ovozda qichqirdi:
— Ura, men ham ucha olarkanman!
* * *
Ikki qo’shni ayol janjalidan:
— Nima, qizingning baxti ochilib, yaxshi yigitga tekkanini aytib maqtanmoqchimisan? Mening qizimga-chi, manaman degan boyvachchalar aliment yuborib turadi, tuzukmi!?.
* * *
Xotin taroziga chiqdi-yu, er unga razm solib turib kuldi.
— Mana shu vazningga mos kelishi uchun bo’ying qancha bo’lishini bilasanmi?
— Qancha bo’lishi kerak?
— Besh yarim metr.
* * *
Ikki o’quvchi suhbatidan:
— Men matematika muallimimizga ishonishniyam, ishonmaslikniyam bilmay qoldim.
— Nega?
— O’tgan kuni oltini to’rtga qo’shsa o’n bo’ladi degandi. Bugun kelib yettiga uchni qo’shsa o’n bo’ladi deyapti.
* * *
— Egachi, manavi ko’ylakda o’n yoshga yosharib ketibmanmi?
— Voy, o’zi yoshingiz nechada?
— Ko’ylakdagisimi, yo ko’ylak kiymasimdan oldingisimi?
Olimjon HAYIT tayyorladi
Olimjon Hayitning turli mavzulardagi xabarlari, maqolalari, hikoyalari endi “Telegramm” dagi alohida kanalda! Bizga qo’shiling, afsuslanmaysiz!
t.me/olimjonhayit
