***

Olti yashar qizaloq qandolatchilik fabrikasiga kirdi-da, xodimlardan biriga dedi:

— Menga odam shaklidagi shokolad bering!

— Xo’p, senga o’g’il bolasidan beraymi, qiz bolasidanmi?

— O’g’il bolasidan. Unda shokolad ko’proq bo’ladi.

 

***

Gadoy navbatdagi kvartira eshigini taqillatdi. Eshik ochilib qarshisida erkak paydo bo’ldi.

— Uch soat oldin eshigingizni taqillatganimda, kennoyi chiqib menga o’zi pishirgan pirogdan beruvdi. Sizam xudo yo’liga sadaqa qiling, oka!

— Xotinim pirog bergan bo’lsa, bizni kechiring! Ammo… Men nima bera olishim mumkin? Faqat ichketarga qarshi dori bera olaman!

 

***

Erkak beshinchi sinfda o’qiydigan o’g’lidan so’radi:

— Dzin, dzin, miyov, miyov! Bu nima degani?

— Tramvay mushukni bosib ketdi degani.

— Juda to’g’ri. Dzin, dzin, vov-vov! Bu nima degani?

— Tramvay itni bosib ketdi degani.

— Topolmading. Bu oying ishdan qaytdi degani.

 

***

Bolakay ona tarafdan buvisini juda yomon so’z bilan haqoratladi. Shu zahoti otasidan kaltak yedi. Ammo otasi qattiq urmadi… Shunga kelishishgandi.

 

***

Ayol dugonasiga dedi:

— Kecha erim yashshamagur uyimizga borib dadamga “Siz qizmas, ilon o’stirgan ekansiz!”, debdi.

— Keyin-chi? Dadang nima debdi?

— Dadam boplabdi. “Men shunchaki ilon o’stirmadim, balki qirollik kobrasini o’stirganman”, debdi.

 

***

Qaynona kelinidan so’radi:

— Kelinposhsha, buqaga biror nima berdingizmi?

Kelin lab burib javob qildi:

— Yo’q, o’g’lingiz hali uyqudan turmadi.

 

***

— Dada, uxlamayapsizmi? Menga o’n ming so’m bering!

— Uxlayapman, bolam, uxlayapman!

 

***

Er xizmat safaridan qaytgach, hammayoqni titkilab chiqdi. Hech kimni topa olmagach, olti yashar o’g’lidan so’radi:

— Bolam, men yo’g’imda begona amakilar uyimizga kelishganmi?

— Yo’q.

— Senga konfet hadya qilishganmi?

— Ha.

 

***

Kampir o’n yashar nevarasiga dedi:

— Bolam, yo’talganingda og’zingni kafting bilan yopib olishni o’rgangin!

— Qo’rqmang, buvi, men yo’talganimda, siznikiga o’xshab tishlarim pastga uchib tushmaydi.

 

***

Bolakay dadasiga dedi:

— Dada, yuring, sirkka boraylik!

— Vaqtim yo’q.

— Sirkda-chi, ketvorgan bir ayol yo’lbarsni minib tomosha ko’rsatarmish!

— Yo’lbarsni minib? Qiziq… Mayli, boraylik-chi, anchadan beri yo’lbars ko’rmagandim!