***
Evreydan do’sti so’radi:
— Monya, ishlaring qalay?
— Yomonmas. Asta-sekin tirikchilik qilib yuribman. Mana, garaj sotib olib xotinimning nomiga rasmiylashtirdim. Ertadan uni qaynonamga ijaraga beraman.
***
Erkak yon qo’shnisinikiga chiqib baqirdi:
— Itingizni boylab boqsangiz bo’lmaydimi? Mana, qarang, tishlavoldi oyog’imni! Tovon puli to’laysiz!
— Gap yo’q! Keling, itimni mahkam ushlab turaman, siz ham uni tishlab ola qoling!
***
Kampir kelishgan qiz bilan vrach kabinetiga kirdi.
Vrach:
— Qani, yaxshi qiz, yechining!
Kampir:
— Kasal u emas, menman, do’xtir bolam!
Vrach:
— Shunaqami? Mayli, qani, buvijon, tilingizni ko’rsating-chi!
***
Ayol butikka kirib keldi. Sotuvchi dedi:
— Xush kepsiz, xonim! Istaysizmi sizga yangi kolleksiyamizni ko’rsataman?!. Aytgancha, pulingiz bormi o’zi?
— Yo’q.
— E, qand yeb kirib yuribsanmi bu yerga? Chiq-chiq!
— Men plastik kartochka bilan to’layman.
— Ie, shunaqami? Yana bir marta xush kepsiz, xonim!
***
Psixiatr bemorga dedi:
— Tabriklayman! Siz tuzaldingiz! Buni progress deb atasak bo’ladi!
— Qanaqa progress? Men olti oy oldin Napaleon edim, hozir hech kimman! Shuni progress deyapsizmi?
***
Ayol erkakdan so’radi:
— Siz erkaklar ayollarni ko’zlaringiz bilan sevasiz. Shu to’g’rimi?
— To’g’ri.
— Unda nega qachon qarasa qora ko’zoynak taqib yurasizlar?
— Sevib qolishdan o’zimizni asraymiz!
***
Bekatda erkak boshqa bir erkakka dedi:
— Hozirgi yoshlar kiyinishda juda haddilaridan oshib ketishgan! Ana, hov anavi qizni qarang, xuddi suyuqoyoqlarga o’xshab kiyinvolibdi!
— U qizmas, mening o’g’lim!
***
Boshliq xodimdan so’radi:
— Nega ishga kech qoldingiz?
— O’zingiz nega maoshni kechiktiryapsiz?
— Kechiktirsam ham baribir olyapsiz-ku!
— Men ham kechikkanim bilan baribir ishga kelyapman-ku!
***
Erkak do’stini qo’ltiqtayoqda ko’rib so’radi:
— Nima bo’ldi?
— Avtohalokatga uchradim.
— Dahshat! Endi qo’ltiqtayoqsiz yura olmaysanmi?
— Bilmadim. Vrach yura olasiz deyapti, advokatim esa aksini gapiryapti.
***
— Yaxshi qiz, agar shoir bo’lsam, sizga she’r bag’ishlardim. Rassom bo’lganimda, suratingizni chizardim. Afsuski, men mebel fabrikasida oddiy qorovulman. Shuning uchun sizga faqat karavotni taklif eta olaman.
