* * *
Diqqat!
Ajoyib taklif!
Faqat oktyabrning oxirigacha «Mersedes S» avtomashinalari sotiladi.
Qariyalar hamda talabalar uchun o’n foiz chegirma mavjud.
* * *
Odam qadami yetmas orolga Kristina Orbakayte, Natasha Koroleva va Alsular tushib qolishdi. Yeyishga hech vaqo yo’q. Qayiq cho’kib ketgan… Faqat bittagina qo’l telefoni bor-u, u ham bir marta qo’ng’iroq qilinsa, o’chadi.
— Oyimga qo’ng’iroq qilish kerak, — dedi Kristina. — Meni qutqarib olish uchun u kishi hamma narsaga tayyor.
— Yo’-o’q, — Koroleva lablarini burdi. — mening Tarzanimga qo’ng’iroq qilamiz. U meni juda sevadi. Bizni albatta qidirib topadi.
Shunda Alsu gapga aralashdi.
— Yaxshisi, dadamga qo’ng’iroq qilib, bu yerdan katta neft koni topdik deb aytamiz. U yog’ini o’zi hal qilaveradi.
* * *
Tarbiya ko’rgan qiz yigitga:
— Yo’qol! Jonimga tegib ketding! — demaydi. Aksincha, muloyim ovozda shivirlaydi:
— Jonim! Sizdan homiladorman!
* * *
Ruhshunos huzurida.
— Do’xtir, har kecha bir xil tush ko’raman. Har kecha bir qiz bilan uchrashaman, birga sayr qilamiz, gaplashib o’tiraveramiz, o’tiraveramiz.
— Mendan nima istaysiz?
— O’sha qizni boshqasiga almashtirib bering!
* * *
Ikki kampir janjallashyapti:
— Jinni!
— O’zing jinni!
Qaerdandir bir qariya paydo bo’ldi-da, dedi:
— Janjallashmanglar! Ikkovlaring ham haqsizlar!
* * *
— Sizda uxlatadigan dori bormi?
— Bor.
— Qancha?
— Ellik dollar.
— Ie, u dorini ellik dollarga olsam, haqiqatan uxlab qolishimga ishonasizmi?
* * *
General nevara ko’rdi. Askarlardan ikki nafarini chaqaloqdan xabar olish uchun yuborib, ular qaytgach, so’radi:
— Xo’sh, nevaram qalay ekan? Kimga o’xsharkan?
— Juda yaxshi. Sizga quyib qo’yganday o’xsharkan.
— Bir boshidan, bir boshidan gapir!
— Xuddi sizga o’xshab kal, qorindor. Hech narsaga tushunmaydi. Baqirgani-baqirgan.
* * *
8 mart bayrami kuni o’g’il onasiga dedi:
— Oyi, men idish tovoqlarni yuvib qo’ydim.
— Yashavor, o’g’lim!
— Oyi, men polniyam yuvib qo’ydim.
— Barakalla, o’g’lim!
— Oyi, mushugimiz homilador.
— Yashavor, o’g’lim!
* * *
Xo’ppa semiz ayol katta yo’lni kesib o’tmoqchi bo’lganda, tez kelayotgan mashina uni turtib ketdi. Ayol haydovchiga baqira ketdi:
— Bezori! Yaramas! Aylanib o’tsang, o’larmiding?
— Opajon, sizni aylanib o’tishga benzinim yetmasdi.
* * *
Xaridor mashina bozorida sotuvchidan so’radi:
— Mashina yangimi ishqilib?
— Albatta. Ana, kuzov, motor, korobka, xullas, hammasi yap-yangi!
— Nega unda sotyapsiz?
— Bundanam yangirog’ini sotib olmoqchiman.
* * *
Kampir qishda askarni uchratib so’radi:
— O’g’lim, bu po’stinda sovuq yemaysanmi?
— Yo’q, buvijon. Po’stinim junli, axir!
Kampir o’sha askarni yozda uchratib qolib so’radi:
— O’g’lim, po’stinda isib ketmaysanmi?
— Yo’q, buvijon, po’stinimning astari yo’q.
