KUN KULGISI… 1

KUN KULGISI…

 

 

* * *

 

Eshik taqilladi. Uy egasi eshikni ochdi.

— Salom! Biz pastki qavatdagi qo’shnilaringizmiz. Iltimos, sizga xizmat ko’rsatishga ijozat bering!

— Qanaqa xizmat?

— Televizoringiz hamda magnitofoningizni o’chirib qo’yamiz.

— O’zim ham o’chirib olaveraman.

— Mayli-ku, lekin bilib qo’ying, mushtlashuvi bilan xizmat sizga ancha qimmatga tushadi.

 

* * *

 

Yigit zargarlik do’koniga kirgach, sotuvchi unga dedi:

— Do’konimizga xush kelibsiz! Mana, bizda turli ko’rinishdagi tilla taqinchoqlar bor. Yigirma foiz chegirmasi bilan sotamiz. Ishonamanki, sevgan qizingizga juda yoqib tushadi.

— Mening sevgan qizim yo’q.

— Voy, nega sizday kelishgan yigitning sevgan qizi yo’q?

Yigit (xomush tortib):

— Xotinim ruxsat bermaydi.

 

* * *

 

Dorixonada.

— Yaxshi qiz, menga bir litr toza spirt bering!

— Reseptingiz bormi?

— E, reseptim bo’lganda, o’zim tayyorlab olaverardim.

 

* * *

 

Bolalar bog’chasida. Qizaloq bolakaydan so’radi:

— Yangi yilda kim bo’lasan?

— Shrek.

— Niqobini olib berishdimi?

— Ha. O’zing kim bo’lasan?

— Sohibjamol.

— Niqobini olib berishdimi?

 

* * *

 

Yangi uylangan kuyov kelinga dedi:

— Turmush qurganimizga endi uch kun bo’libdi-yu, sen halitdan janjallashishni boshlaysan-a!

— Voy, men bu kunni uch yil kutdim, axir!

 

* * *

 

Milliarderdan muxbir intervyu olayapti.

— Boyib ketishingizning siri nimada?

— Sabr, do’stim, sabr.

— Men sabr ish bermaydigan minglab hodisalarni misol keltirishim mumkin.

— Xo’sh, ayting-chi!

— Masalan, g’alvirda suv keltirish.

— Siz nohaqsiz. G’alvirni olib qish kelishini kutsangiz, hammasi joyida bo’ladi.

 

* * *

 

Xotin:

— Chap kaftim qichishayapti… Pul tushsa kerak.

Er (gazeta o’qishdan boshini ko’tarib):

— Pul bermayman!

 

* * *

 

Yangi kotibadan rahbarning rafiqasi so’radi:

— Siz ham oldingi kotibaga o’xshab sho’x emasmisiz?

— Oldingi kotiba kim edi o’zi?

— Men.

 

* * *

 

Ikki ekstrasens uchrashib qolishdi. Biri ikkinchisidan so’radi:

— Xo’sh, mening ishlarim qalay?

 

* * *

 

Erkak yaqin do’stini o’ttiz yildan so’ng uchratib qoldi. Uning o’nta farzandi borligini ko’rgach, so’radi:

— Sen xotining bilan juda baxtli yashayotgan bo’lsang kerak-a?

— Bu nima deganing? Xudoning bergan kuni menga baqirgani baqirgan. Ochig’ini aytsam, undan juda qo’rqaman.

— Unda nega shuncha bola orttirding?

— Bolalarning orasiga berkinib olish qulay-da!

 

 

Добавить комментарий

Ваш e-mail не будет опубликован. Обязательные поля помечены *