* * *
Ota o’g’lidan so’radi:
— Zoologiyadan a’lo baho olibsanmi?
— Ha.
— Qaysi savolga javob berding?
— Ustozim tuyaqushning oyog’i nechtaligini so’radi.
— Nima deb javob berding?
— Tuyaqushning oyog’i uchta dedim.
— To’xta, tuyaqushning oyog’i ikkita-ku!
— Hamma gap shunda-da! Boshqalar tuyaqushning oyog’i to’rtta deb javob berishdi.
* * *
To’rt yashar bola onasiga dedi:
— Bugun bog’chamizda bizni do’xtir tekshirdi.
— Nimani tekshirdi?
— Nafas olayotgan-olmayotganimizni tekshirdi.
* * *
— Allo! Bu jonivorlarni himoya qilish jamiyatimi?
— Ha.
— Tez xodimingizni biznikiga jo’nating!
— Nega?
— Pochtachi daraxtga chiqib olib itimni haqorat qilyapti.
* * *
Militsiya bo’limiga rangi oqarib ketgan erkak kelib dedi:
— Yordam bering! Uyimga o’g’ri tushdi! Iskovich it jo’natinglar!
— Uzr, buning iloji yo’q.
— Nega?
— Iskovich itlarimiz militsiya bo’limidagi bufetdan kolbasa o’g’irlagani sababli qamoqqa olingan.
* * *
Olti yashar bolakay bobosiga dedi:
— Bugun kechasi mushugimizning tug’ilgan kuni bo’ldi.
— Ie, bu gapni qaerdan olding? ‘
— Ha-a, shunday bo’ldi. Yarim kechasi hovliga ko’-o’p mushuklar to’planib rosa ashula aytdi.
* * *
Olti yashar bolakay sigir sug’orayotgan odamni kuzatib turdi-da, o’zicha mulohaza qildi:
— Ha-a, sigir sutiga suvni shunday yo’l bilan aralashtirishar ekan-da!
* * *
Bir bola do’stiga dedi:
— Bilasanmi, itimiz o’lgudek qo’rqoq. Eshik taqilladi deguncha karavot ostiga berkinib olaveradi.
— Senga nima? Qo’yaver, berkinsa berkinar!
— Ie, karavot ostiga ikkalamiz sig’maymiz-da!
* * *
— Azizim, 8 martda menga nima sovg’a qilasiz?
— Hech narsa sovg’a qilmasam-chi?
— Unda 14 yanvarda siz ham hech qanday sovg’a olmaysiz!
— Rostdanmi? Kelishdik!
* * *
Er xotiniga dedi:
— Senga kostyumimni dazmollab qo’y degandim-ku!
— Dazmollaganman.
— Bekorlarni aytibsan! O’ng cho’ntagida bitta yuz dollarlik pul bor edi, haliyam turibdi.
* * *
Qushlar ko’rgazmasida uchta to’tiqush sotuvga qo’yilgan. Birining narxi yuz ming, ikkinchisiniki besh yuz ming, uchinchisiniki esa bir million so’m. Xaridorlardan biri so’radi:
— Nega manavi to’tining narxi yuz ming so’m?
— U ikkita tilda bemalol gapiradi.
— Besh yuz ming so’mligi-chi?
— U uchta tilda gapiradi.
— Xo’p, u holda anavi to’tining narxi nega bir million so’m? U qanday karomat ko’rsatadi?
— Hech qanday karomat ko’rsatmaydi. Bu to’ti anavi ikkalasining boshlig’i.
