KUN KULGISI…

 

 

* * *

 

Ikki yigit qahvaxonada suhbatlashyapti.

— Bilasanmi, ota-onamning hisobiga yashash jonimga tegdi.

— Ie, ish topib ishlamoqchimisan endi?

— E, yo’q, bobomnikida yashab turaman.

 

* * *

 

— Dada! Meni endi sinfimda eng yomon o’quvchi demay qo’yishdi.

— Nimaga?

— Mendan ham yomon o’qiydigan yangi o’quvchi keldi.

 

* * *

 

Bolalar bog’chasida 8 mart bayramiga bag’ishlangan marosim bo’lyapti. Bir bolakay marosim boshlangandanoq dod solib yig’layverdi. Undan so’rashdi:

— Nega yilayapsan?

— Qorbobo kelmadi.

 

* * *

 

Yo’l chetida mushuk o’lib yotardi. Bolakay onasidan so’radi:

— Oyi, mushukka nima bo’ldi?

— U o’lib qoldi va osmonga chiqib ketdi.

— Ie, osmonga chiqqandan keyin uyoqdagilar mushukni qaytadan yerga tashlab yuborishdimi?

 

* * *

 

Bolakay supermarketda yo’qolib qoldi. Unga bir ayol yaqin kelib so’radi:

— Oting nima?

— Bilmayman.

— Oyingning ismi nima?

— Bilmayman.

— Hech bo’lmasa manzilingni bilarsan?

— Ha, manzilim malchik@mail. ru!

 

* * *

 

Vrachning telefoni jiringladi.

— Allo, eshitaman!

— Do’xtir, telefon orqali ham tashhis qo’ya olasizmi?

— Albatta, qani, yechining!

 

* * *

 

Ikki chukcha baliq ovlashardi. Biri kattakon cho’rtan tutib oldi-yu, qo’rqqanidan sherigidan so’radi:

— Buni qanday o’ldiraman?

— Cho’ktirib yubor, o’ladi-qoladi!

 

* * *

 

Qiz dugonasiga arz qilyapti:

— Kecha sevgan yigitim bilan uchrashuvga chiqsam, u menga so’lib qolgan gul sovg’a qildi.

— Sen uchrashuvga o’z vaqtida borishga harakat qilgin-da!

 

* * *

 

Erkak tug’ruqxona eshigi oldida turgancha bezovtalanardi. Nihoyat hamshira qora tanli chaqaloqni ko’tarib chiqdi. Erkak dahshatdan nima qilishni bilmay hayqirdi:

— Men xotinimdan buni kutmagandim! Yaramas, uyda ovqatni tagiga oldirgani yetmay, bolaniyam kuydirib yuboribdi-ya!

 

* * *

 

Oltinchi sinfda nazorat ishi. Sinfxonaga zavuch kirib muallimaga dedi:

— O’, nazorat ishi yozayapsizlarmi?

— Ha.

— Sinf to’la havaskor ko’chirmachilar bo’lsa kerak, hoynahoy?

Shunda o’quvchilardan biri luqma tashladi:

— Ustoz, bu sinfda havaskorlar yo’q. Hammasi professionallar!

Olimjon HAYIT tayyorladi