KUN KULGISI… 1

KUN KULGISI…

* * *

— Do’xtir, yozib bergan dorilaringiz menga foyda bermadi.

— Siz qutichasida ko’rsatilganidek undan foydalandingizmi?

— Ha, u yerda «Quruq va qorong’i xonada asrang!» deb yozib qo’yilgan ekan.

* * *

— Do’xtir, xotiramni yo’qotib qo’ydim.

— Qachon?

— O’n sakkizinchi mart, soat to’qqizdan besh daqiqa o’tganda.

* * *

Bir yigit boshliqning kotibasiga dedi:

— Men boshlig’ingiz bilan gaplashmoqchiydim. Uning oldiga kirsam bo’ladimi?

— U hozir yo’q. Bir joyga ish bilan ketgan.

— Ie, hozirgina uni oynadan ko’rdim-ku!

— Uyam sizni ko’rgan ekan.

* * *

— Eshitdingmi Toshmatga nima bo’lganini?

— Nima bo’ldi?

— Kechasi ketayotsa, orqadan kimlardir kelib boshiga bolta bilan uribdi.

— Xo’sh, keyin-chi?

— Nima keyin? Toshmat o’libdi.

— Yo’g’-e!

— Ha, boltaga zahar surtilgan ekan.

* * *

— Dadajon, 500 so’m bering, — so’radi o’g’il.

— Menga esa ming so’m kerak, — suhbatga aralashdi qiz.

— Menga 2000 cha pul yetadi, — dedi xotini.

— Bugun sizlarga nima bo’ldi o’zi? — ajablandi erkak.

— Ie, unutib qo’ydingizmi, bugun tug’ilgan kuningiz-ku!

* * *

DAN xodimi mehmonda o’tirib yig’ilganlarga dedi:

— Ishonasizlarmi, men bolaligimda qaroqchi bo’lishni orzu qilgandim!

Shunda o’tirganlardan biri unga javob qaytardi:

— Omadingiz bor ekan. Chunki, bolalikdagi orzular har doim ham ushalavermaydi.

* * *

Ona qizidan so’radi:

— Anavi tanishgan yigiting yaxshimikan?

— Albatta. Chekmaydi, ichmaydi, pulni iqtisod qiladi. Uch birday bolaning otasi.

* * *

Buvi to’rt yashar nevarasiga mashinani ko’rsatib dedi:

— Qara, bibip!

— Jinnimisiz buvi? Bu bibipmas, «Mersedes»ku!

* * *

Oshxonada idish-tovoq yuvayotgan dadasidan qizchasi so’radi:

— Dada, ikki xotinlilik nima degani?

— Bumi? Agar erkak mendan ikki baravar ko’p idish yuvsa, o’sha ikki xotinli deyiladi.

* * *

Ulug’ Vatan urushi. O’zbek chukchadan so’radi:

— Chukcha, mabodo hozir patroning tugab qolsa, nima qilarding?

— U yaramaslarni tishim… bilan yanchib tashlardim.

— Nima, tishlaring avtomatning o’q chiqadigan teshigiga sig’adi deb o’ylaysanmi?

* * *

Talabalar oshxonasida. Talaba taomnomani ko’zdan kechira boshladi:

— Suyaksiz sho’rva — uch yuz so’m

— Suyakli sho’rva — besh yuz so’m.

Talaba oshpazga yuzlandi va suyakli sho’rvaga buyurtma berdi. Ammo oshpaz uning qo’liga suyaksiz sho’rva to’la kosani tutdi.

— Ie, suyagi qani?

— Birpas sabr qiling, hozir bo’shab qoladi!

* * *

O’layotgan er xotiniga vasiyat qilyapti.

— Unutma, qo’shnimiz Eshmatning bizdan yuz ming so’m qarzi bor.

— Xo’p.

— Yana esingda tut, biz Qurvon akaga ellik ming qarzmiz.

— Uf-f, yana alahsirayapti-ya!

* * *

— Bilasizmi, ilgari bo’rilar, tulkilar va shunga o’xshash vahshiy hayvonlar umuman go’sht yemagan ekan.

— Qaerdan bildingiz?

«Bo’g’irsoq» ertagini o’qigandim.

Olimjon HAYIT

Добавить комментарий

Ваш e-mail не будет опубликован. Обязательные поля помечены *