KUN HANGOMASI… 1

KUN HANGOMASI…

 

 

* * *

 

O’quvchi sinfdoshlariga dedi:

— Qaranglar, Kamchatkada oxirigi partani Kaliningrad deb atasharkan.

 

* * *

 

Bahor. Maugli va Bagira suhbatlashishyapti:

— Bagira, menga nima bo’ldi o’zi? Hozir uzoq-uzoqlarga qochib ketgim, pana-pana joylarga berkinib olgim, jimgina-jimgina o’tirib xayol surgim kelyapti. Nahotki, bu muhabbat bo’lsa-a?

— Yo’q, Mauglijon, bu muhabbat emas. Hozir bahor. Armiyaga chaqiriq mavsumi boshlandi, xolos.

 

* * *

 

Xotiningga qancha ko’p pul berma, baribir, qo’shni ayolning puli ko’p bo’lib chiqaveradi-ya! (Xotinbozning hasratidan)

 

* * *

 

Do’konda.

— Kechirasiz, menga qaytimni bermadingiz!

— Kechirdim.

 

* * *

 

— Dugonajon, nega ering kechqurunlari tez-tez uydan ketib qolaveradi?

— Sho’rlik uyda yolg’iz o’tirishni yoqtirmaydi-da!

 

* * *

 

Er xotinidan so’radi:

— Bunday uzundan uzun xatni kim yozibdi senga?

— Shahardagi dugonam.

— Nima deb yozibdi o’zi?

— «Qolgan gaplarni uchrashganimizda gapirib beraman» debdi.

 

* * *

 

— Dadasi, mabodo men daryoga cho’kib ketsam, nima qilardingiz?

— Shahar markaziga chopib borib «Tez yordam» chaqirib kelardim.

— Voy, shahar markazi uzoq-ku! Ulgurmaysiz-ku!

— Jonim, men sen uchun undan ham uzoqroqqa chopib borishga tayyorman!

 

* * *

 

Xotini uyga kech kelgani uchun urishavergach, er unga qarab baqirdi:

— Jim bo’l! Menga baqirma! Uxla!

— Uxlayman, lekin jim bo’lmayman!

 

* * *

 

Operatsiyadan so’ng narkoz ta’siri ketib uyg’ongan er tepasida o’tirgan xotinini juda muloyimlik bilan erkalab qo’ydi. Xotini hayron bo’lib hamshiradan so’radi:

— To’yimizdan beri meni biror marta erkalamagandi. Hayron bo’lib qoldim. Bunaqangi dorini qaerdan topgansizlar-a?

 

* * *

 

Militsiya xodimi uyini o’g’ri urgan ayoldan so’radi:

— Uyingizni o’g’rilar ag’dar-to’ntar qilib tashlagan bo’lsa, nega kech xabar berdingiz?

— Men oldiniga erim toza ko’ylak qidirganmikan deb o’ylabman.

 

Добавить комментарий

Ваш e-mail не будет опубликован. Обязательные поля помечены *