* * *
AYoLLARGA FOYDALI MASLAHAT:
Agar eringiz sizga 8 mart bayramida «Eldorado» maishiy texnika vositasini sovg’a qilgan bo’lsa, yaxshilab o’ylab ko’ring. Tekinga berilgan ikkinchi «Eldorado» kimga nasib qildiykin?
* * *
O’n to’rt yashar qiz onasidan so’radi:
— Oyi, 8 mart barcha ayollarning bayramimi?
— Ha, lekin 8 mart kuni avval onalarni tabriklash lozim.
— Unda meni tabriklang, oyi!
* * *
O’g’il onasidan so’radi:
— Oyi, sovg’ani faqat Qorbobo tarqatadi-a?
— Ha.
— Bizni Xudo boqadi, rostmi?
— Rost.
— Bolalarni laylak olib keladi-a?
— Ha.
— Unda dadamni nega uyda olib o’tiribmiz?
* * *
Boshliq haydovchisidan so’radi:
— Orqa o’rindiqda o’tirgan mallasoch qiz kim?
— Bilasizmi… Hozir hammasini tushuntiraman…
— Tushuntirishning hojati yo’q. Yaxshisi, meni u bilan tezroq tanishtir!
* * *
Haydovchi tanishlariga maqtanyapti:
— Men mashinamni shu qadar tez haydaymanki, ko’chadagi simyog’ochlar tep-tekis ko’rinadi.
— Bu nima bo’pti. Yaqinda men mashinamda shunaqangi zo’r ag’darildimki, orqadagi davlat raqamini ko’rdim.
* * *
Gruzin yo’l patrul xizmati xodimi mashinalardan birini to’xtatdi. Haydovchi boshqa millat vakili edi.
— Qani, tushuntirish xati yoz. Sen tezlikni oshirding. Faqat tushuntirish xatini gruzin tilida yoz.
— Axir, men gruzin tilini bilmayman.
— Menga qizig’i yo’q. Yozasan.
Haydovchi daftarni qo’liga olib orasiga bitta ellik dollarlik soldi-da, gruzinga uzatdi.
— Mana, bilarkansan-ku! Endi qolgan yarminiyam yoz!
* * *
Chukcha «Mersedes» sotib oldi. Ammo ko’chaga chiqiboq mashinani daraxtga urdi. Sekin mashinadan tusharkan, o’zicha g’udrandi:
— Ko’zi shunaqangi katta mashina-yu, daraxtni ko’rmas ekan-a!
* * *
Bir erkak taksi to’xtatdi. Rulda kelishgan qiz o’tirardi. Unga dedi:
— Meni eng arzon fohishaxonaga olib bor!
— Siz o’sha yerdasiz.
* * *
Yo’l patrul xizmati xodimi «Mersedes»ni to’xtatdi.
— Siz ichgansiz. Qani, kuh deng-chi!
Haydovchi buning o’rniga bitta yuztalik dollar chiqardi.
— Negadir tushunmadim. Yana bir marta kuhlang!
Haydovchi bitta elliktalik chiqardi.
— Yo’q, bunisi o’xshamadi. Birinchisiday kuhlang!
* * *
Xotin haydovchilik guvohnomasini olgan kuni eri undan so’radi:
— Mashinaga oid barcha narsalarni o’rganib oldingmi?
— Ha, hammasini o’rganib oldim. Lekin bir narsaga tushunmayman. Shuncha ot bizning kichkinagina mashinamizga qanday qilib sig’arkan?
loading…
