* * *
Faylasuflar fikrlaganda:
— O’n sakkiz ming olamni, odamlarni, jonivorlarni Xudo yaratgan…
— Qolganlari Xitoyda tayyorlanganmi?..
* * *
Ayoldan so’rashdi:
— Kennoyi, nechta farzandingiz bor?
— Ikkita. Bittasini o’zim tuqqanman, ikkinchisini qaynonam hadya qilgan.
* * *
Armiyada qo’riqlash xizmati nizomi bo’yicha dars o’tilyapti. Muallim askarni turg’azib so’radi:
— Tasavvur qiling. Kechasi postda turibsiz. Atrof suv quygandek jimjit. Bir mahal qorong’ilikda siz tarafga kimdir kelayotganini payqab qolasiz. Xo’sh, shunday pallada qanday harakat sodir etasiz?
— Kombatimizni suyab uyiga olib borib qo’yaman.
* * *
Brilliant botqoqqa tushib ketsa-da, baribir brilliantligicha qoladi. Chang kerak bo’lsa, yettinchi osmonga qadar ko’tariladi. Ammo baribir changligicha qolaveradi. (Xitoy xalq hikmati)
* * *
Professor uzoq vaqt leksiya o’qigach, talabalardan so’radi:
— Kechirasizlar, leksiya cho’zilib ketdi shekilli. Soat necha bo’ldi o’zi?
— Orqangizda kalendar osig’liq turibdi, ustoz!
* * *
Samolyotda:
— Hurmatli yo’lovchilar, iltimos, xavfsizlik kamarlaringizni taqib olinglar! Yuk bo’limidagi fil hozir-hozir aksa urmoqchi. Shamollab qolibdi sho’rlik.
* * *
— Dada, odamning maymundan tarqashi rostmi?
— Ha.
— Unda oyim ikkovlaring meni asrab olgan ekansizlar-da-a?
* * *
Beshinchi sinfda o’qiydigan bola onasidan so’radi:
— Oyi, ozgina cho’milsam maylimi?
— Mayli, faqat ustingni ho’l qilma!
* * *
Olti yashar boladan so’rashdi:
— Kim bo’lishni istarding?
— Sotuvchi.
— Hali juda kichkinasan-ku?
— Nima qipti? Men peshtaxta ostidan turib ham savdo qilaveraman.
* * *
— Bolakay, nega yomg’irda turibsan? Hammayog’ing shalaábo bo’libdi-ku!
— Oyimdan yashirinib turibman. Cho’miltirmoqchi bo’lyapti.
Olimjon HAYIT
Olimjon Hayitning turli mavzulardagi xabarlari, maqolalari, hikoyalari endi “Telegramm” dagi alohida kanalda! Bizga qo’shiling, afsuslanmaysiz!
t.me/olimjonhayit
