* * *
Tish do’xtiri kabinetida mijoz katmonini qo’liga oldi. Vrach unga dedi:— Yo’q, bugun pul to’lashingiz shart emas.
— Bilaman. Men ham sizga pul to’lamoqchi emasman. Narkoz berishingizdan oldin qancha pulim borligini aniqlab qo’ymoqchiman, xolos.
* * *
Erkak ulfatidan so’radi:
— Nega aroq ichayapsan-u, gazak qilmayapsan?
— Men parhezdaman.
* * *
Ikki kotiba boshliqlarini muhokama qilishayapti.
— Xo’sh, sening boshlig’ing qalay?
— Zo’r. Bir oy avval shuba sovg’a qilgandi. Keyin brilliant uzuk taqdim etdi. Yaqinda… Ishonasanmi, qo’limni so’radi.
— Voy yaramas-ey, pul tejashni boshlabdi-da!
* * *
Er-xotin janjallashayapti.
Er:
— Iloyo bir umr tipratikon tug’ib o’tgin!
Xotin:
— Iloyo siz menga doyalik qiling!
* * *
Jinni uyali telefonlar saloniga kelib dedi:
— Kechagina sizlardan telefon sotib olgandim. Ishlamayapti.
— Nega ishlamaydi? Biz shu yerning o’zida tekshirib bergandik-ku!
— Mana, qaranglar, men o’z raqamimga qo’ng’iroq qilsam, doim band ko’rsatayapti.
* * *
— Sudlanuvchi, nega mashinani o’g’irladingiz?
— Vokzalga shoshayotgandim. Shuning uchun o’sha mashinani o’g’irlashga majbur bo’ldim. Afsusdaman.
— Shoshayotgan bo’lsangiz, trolleybus, tarmvaydan foydalansangiz bo’lmasmidi?
— O’rtoq sudya, siz kimningdir tramvay o’g’irlaganini eshitganmisiz?
* * *
Ikki talaba dekanat oldida o’tgan yilgi sessiyani topshirish ilinjida turishardi. Ulardan biri yozdi: «Menga sessiyani topshirishga ruxsat berishingizni so’rayman!»
Ikkinchisi:
— Jinni, so’rayman deganing o’tmaydi. Yalinaman deb yoz!
* * *
Oradan yillar o’tib muallim sobiq talabasini ko’rib qoldi va so’radi:
— Senga institutda olgan bilimlaring yetarli bo’layaptimi?
— Ha, lekin pul yetarli bo’lmayapti.
* * *Oq ayiq o’rmonda ketayotsa, yo’lidan eshak chiqib qoldi. U eshakdan so’radi:— Hoy, eshak, shimoliy qutbga qanday borsa bo’ladi?— Bilmadim. Biroz kutib tur, og’aynilarimdan so’rab ko’ray!Birozdan so’ng u bir to’da eshaklarni yetaklab keldi va oq ayiqqa dedi:
— Shimoliy qutb qaerdaligini bilmadim-u, lekin eshak deganing uchun endi javob berasan.
* * *
Bir bolakay tijorat qilmoqchi bo’ldi va har kuni onasiga somsa pishirtirib bozorda sota boshladi. Bir erkak har kuni kelardi-da, besh yuz so’m berardi, lekin somsa olmasdi. Nihoyat kunlarning birida erkak bolakaydan so’radi:— Sen pul berib nega somsa olmayotganimga hayron bo’lgandirsan-a?
— Yo’q, hayron bo’lganim yo’q. Lekin aytib qo’yishim kerak, somsa bugundan boshlab ming so’mdan sotilayapti.
* * *
Ota jin ishdan so’ng uyga keldi. Ona jin uning qarshisiga o’g’ilchasini yetaklab kelib dedi:
— Buningizning bir adabini berib qo’ying! Kun bo’yi o’zini xuddi farishtalardek tutdi.
* * *
Ikki jinni «Zaporojes» sotib olishdi. Biri old kapotni ochib baqirdi:— Ie, motorni o’g’irlab ketishibdi!Ikkinchisi orqa kapotni ochib, javob qildi:
— Qo’yaver! Egasi yukxonaga zapas motor joylab qo’ygan ekan.
* * *
Tergovchi qurilish ustasidan so’radi:— Ayting-chi, hamkasbingiz narvondan yiqilib tushganda qanday yordam ko’rsatdingiz?
— Darrov boshiga kaskasini kiydirib qo’ydim.
* * *
O’g’il onasidan so’radi:— Oyi, men kechasi tug’ilganmanmi?— Ha, bolam, kechasi tug’ilgansan.
— Sizni uyg’otib yubormaganmanmi?
