Haqiqiy hangomaning bundan battari bo'lmaydi…

 

* * *

To’rt yashar qizaloq dugonasiga maqtanyapti:

— Men katta bo’lsam, oyim menga ko’-o’p pul beradi. Ana shunda o’zimga o’zim ko’-o’p qo’g’irchoqlar sotib olaman.

* * *

Juda mashhur aktyor qariganda qariyalar uyiga joylashishni ma’qul ko’rdi. Kechqurun yasan-tusan qilib oshxonaga kirdi va keksa bir kampir o’tirgan stol qarshisiga borib joylasharkan, so’radi:

— Hoynahoy, Siz mening ismimni bilsangiz kerak-a?

— Yo’q, ammo ismingizni navbatchi hamshiradan so’rab bilishingiz mumkin.

* * *

Ko’z qorachig’iga qarab kasalga tashhis qo’yadigan vrachning huzuriga bir yigit kelib dedi:

— Do’xtir, mening kasalim nima?

Vrach uning chap ko’ziga qarab javob qildi:

— Siz infarktga uchragansiz, oshqozoningizda yara paydo bo’lgan, anginangiz surunkali.

— Do’xtir, o’ng ko’zimga qarab tekshiring, chapi protez!

* * *

Ikki estrada xonandasi uchrashib qolishdi. Biri ikkinchisiga dedi:

— Ishonasanmi, birinchi klipim chiqishi bilan mamlakatda televizorlar bozori chaqqon bo’lib ketganmish!..

— Buning hayron bo’ladigan yeri yo’q. Mening o’zim ham televizorimni sotib yuborganman.

* * *

Bir kuni chukchaga do’stlari yangi yil sovg’asi sifatida mandarin va qizil ikra jo’natishdi. Chukcha ularga javob yozdi:

— Sovg’ani oldim, rahmat! Mandarinni maza qilib yedik! Lekin anavi qizil mevalaringni tashlab yubordim. Baliq hidi urib qolgan ekan!

* * *

Xotin erini urishyapti:

— Nega sizga gapirayotganimda hadeb soatingizga qarayverasiz?

— Qay biring oldin to’xtashingni tekshirib ko’rmoqchiman.

* * *

— Dadasi, men siz bilan jiddiy gaplashib olmoqchiman.

— Bo’pti, sen boshlab turaver, men g’izillab do’konga chiqib kelaman!

* * *

Er:

— Senga uylanishga qaror qilganimda g’irt ahmoq ekanman.

Xotin:

— Qarang, sizni shu qadar qattiq sevib qolgan ekanmanki, ahmoqligingizni payqamabman-a!

* * *

Xotin uydagi olaparni ikki oyoqda turishga o’rgatardi. Er unga dedi:

— Foydasi yo’q, baribir uni o’rgata olmaysan!

— Xotirjam bo’lavering. Siz ham boshida menga quloq solmagansiz.

* * *

Xotin:

— Ertaga biznikiga onam kelarkan.

Jimlik.

— Gapimni eshitdingizmi?

Jimlik.

— Nima, onam kelishidan xursand emasmisiz?

Jimlik.

— Mana bu boshqa gap. Jahlingiz chiqmasligini bilardim.

Og’ir xo’rsinish.

— Menga baqirmang!

Olimjon HAYIT tayyorladi

Olimjon Hayitning turli mavzulardagi xabarlari, maqolalari, hikoyalari endi «Telegramm» dagi alohida kanalda! Bizga qo’shiling, afsuslanmaysiz!

t. me/olimjonhayit