«E, xotin, har bir manaman degan hokimlar uzr so’rab turganda, sen kim bo’libsan?»

Jummi doyining xotini qo’shni ayol bilan sal narsaning ustida janjallashib, uch oylab gaplashmay yurishgan ekan. Buni doyi sezib qolib:

– Xotin, sen kattasan, kechirim so’rasang bo’ladi-ku. Bahonada yarashib olardinglar, – debdi.

Ayoli:

– Ibi, nega men kechirim so’rayman?  Oldin uning o’zi kechirim so’rasin, mendan kichik, – debdi.

Shunda Doyi:

– E, xotin, har bir manaman degan hokimlar uzr so’rab turganda, sen kim bo’libsan? – dermish.

Boltaboy Matqurbonov