BI-IR KULIShMAYMIZMI?..

BI-IR KULIShMAYMIZMI?..

 

 

“PROFESSIONAL”

(hajviya)

 

Teatrlardan birida juda iste’dodli aktyor ishlardi. Ammo ichkilik desa o’zini tomdan tashlardi. Kunlarning birida rahbar uni chaqirib masalani ko’ndalang qo’ydi.

— Tamom, yana biror spektaklda ichvolib o’ynasang, o’zing arizangni yozib kelaver!

— «To’g’ri aytayapti boshliq. — o’yladi aktyor. — Shu yaramas ichkilikni tashlamasam bo’lmaydi shekilli…»

Afsuski, Yangi yil arafasida konsertlar ko’paygandan-ko’paydi. Cho’ntak pulga to’ldi deganday…

— «Bugun 27 dekabr. — ko’nglidan o’tkazdi aktyor. — Spektakl esa, 3 yanvarda bo’ladi. E, ichmasam bo’lmaydi. Ungacha o’zimga kelvolaman…»

Xullas, yana ichkilik boshlandi…

O’rnidan turib kalendarga qarasa, to’rtinchi yanvar ekan.

— Oh, — dedi u boshini changallab. — Spektakl qolib ketibdi-ku!.. Rasvo bo’ldim!..

Yuvinib, stol qarshisiga o’tirdi-da, ishdan ketish haqida ariza yozib teatrga yo’l oldi.

Ichkariga kirsa, hamkasblar nimanidir astoydil tomosha qilishayapti.

— Spektakl qanday o’tdi? — so’radi ulardan.

— Juda yaxshi o’tdi.

— Mening o’rnimga Dzerjinskiyni kim o’ynadi?

Hamkasblar unga hayron bo’lib tikilib qolishdi.

— O’zing o’ynading-ku!

Olimjon HAYIT tayyorladi

loading…

Добавить комментарий

Ваш адрес email не будет опубликован. Обязательные поля помечены *