Kulgu

BI-IR KULIShMAYMIZMI?..

 

 

* * *

 

Ayol gadoyga dedi:

— Tez uydan chiqib keting! Hozir erimni chaqiraman!

— Eringiz uyda yo’q.

— Siz buni qaerdan bilasiz?

— Sizga o’xshagan ayol bilan yashagan erkak uyga faqat xuftondan keyin keladi.

 

* * *

 

— Azizim, agar sizga turmushga chiqishni xohlamasam, o’zingizni o’ldirasizmi?

— Albatta. Men doim shunday yo’l tutaman.

 

* * *

 

— Jonim, seni telbalarcha sevaman!

— Axir, kecha sizga aytdim-ku, «Yo’q, yo’q» deb!

— Ie, o’sha senmiding?

 

* * *

 

Muallima o’quvchilardan so’radi:

— Aytinglar-chi, hech kim tinglamasa ham gapiraveradigan odam kim?

— Muallima.

 

* * *

 

Ota uchinchi sinfda o’qiydigan o’g’lidan so’radi:

— Xo’sh, o’g’lim, maktabda ishlar qalay?

— Men ikkichilarning otalari bilan gaplashmayman!

 

* * *

 

Beshinchi sinfda o’qiydigan bolakayning badavlat otasi dengiz bo’yida kattakon supermarket qurdi. Darsda muallima boladan so’rayapti:

— Xo’sh, bir yilda nechta fasl bor?

— Beshta.

— Sana-chi!

— Yoz, kuz, qish, bahor, va o’lik mavsum.

 

* * *

 

Birinchi sinf o’quvchisidan muallima so’radi:

— Ikki karra ikki necha bo’ladi?

O’quvchi yig’lab javob berdi:

— To’-o’-o’rt!

— Voy, nega yig’layapsan?

— Men besh bo’lishini xohlardim.

 

* * *

 

O’qituvchi o’quvchilarga dedi:

— Bolalar, bugun oy va quyosh tutilish hodisasi sodir bo’ladi. Albatta tomosha qilinglar!

Orqa partada o’tiradigan o’quvchilardan biri luqma tashladi:

— Qaysi kanalda?

 

* * *

 

Birinchi sinfda.

— Toshmatvoy, alifbeni o’qib ber!

— Alifbem uyda qolib ketibdi.

— Ana, Eshmatnikini olib o’qi!

— Yo’q, men begonalarning alifbesini o’qishni bilmayman.

 

* * *

 

Kashanda tanishiga arz qilayapti:

— Chekishni tashlashga yuz martalab urinib ko’rdim. Turli usullarni qo’lladim. Foydasi bo’lmayapti.

— Sen oddiy konfetdan foydalanib ko’rmadingmi?

— Uniyam qilib ko’rdim. Lekin yonmadi.

 

loading…

Добавить комментарий

Ваш адрес email не будет опубликован. Обязательные поля помечены *

Back to top button
Close