BI-IR KULIShMAYMIZMI?.. 1

BI-IR KULIShMAYMIZMI?..

 

 

* * *

 

Ikki do’st uchrashib qolishdi va biri ikkinchisiga dedi:

— Uyga ichib kelsam, xotinim ichkariga kiritmaydi.

— Sen boshqacha yo’l tut. Masalan, xotining eshikni ochishi bilan ustingdagi kiyimlaringni yechib ichkariga ot. U seni yalang’och holda hech qachon tashqarida qoldirmaydi.

Oradan ma’lum vaqt o’tib do’sti o’sha yigitdan so’radi:

— Xo’sh, maslahatim foyda berdimi?

— Bilasanmi, aytganingni qilib, eshikni ochishi bilan kiyimlarimni yechib ichkariga irg’itgandim. U yaramas bo’lsa, begona ovozda: «Eshiklar yopiladi! Keyingi bekat Milliy bog’!» deb aytdi.

 

* * *

 

Erkak go’zal bir qizni mashinasida manziligacha eltib qo’ydi. Qiz tushib ketayotib o’rindiqqa bitta mingtalik tashladi.

— Yaxshi qiz, bu ishingiz bilan meni haqorat qilayapsiz!

— Voy, qancha beray unda?

— Hech bo’lmasa, ikki ming.

— Yo’q, sizni ikki marta haqorat qilishni istamayman.

 

* * *

 

Militsioner to’xtab turgan mashina ichiga qarasa, salonda yigit va qiz o’tirishibdi. Yigit jurnal varaqlayapti, qiz esa nimadir to’qiyapti. Militsioner so’radi:

— Nima qilayapsanlar?

— Ko’rmayapsizmi? Men jurnal o’qiyapman.

— Qiz-chi?

— U to’qiyapti.

— Sening yoshing nechada?

— Yigirmada.

— Qizniki-chi?

Yigit soatiga qarab dedi:

— Roppa rosa o’n daqiqadan so’ng o’n yettiga to’ladi.

 

* * *

 

Xotin eriga dedi:

— Mana ko’rasiz, karavotga sizni jinni deb yozib qo’yaman! Butun shahar kimligingizni bilib qo’ysin!

 

* * *

 

Kurortdan o’g’ilchasi bilan qaytgan xotin eriga dedi:

— Kurortda ajoyib kishilar bor ekan. Masalan, men mehnat qahramoni bilan tanishdim.

O’g’ilchasi o’zicha ming’irlab qo’ydi:

— Qahramonmish… Bir o’zi uxlashga qo’rqarkan-ku!..

 

* * *

 

Tunda qiz uyga kelib onasiga dedi:

— Oyi, men yo’ldan besh ming so’m topib oldim!

— Qizim, oldin etagingdagi xashaklarni qoqib ol! Va ikkinchi yolg’on gapirishga odatlanmagin!.. Sening yoshingda men ko’proq pul topganman.

 

* * *

 

Psixiatr bemordan so’radi:

— Rostdan ham bir qarorga kela olmaslik kasalidan azob chekayapsizmi?

— Ha va yo’q, do’xtir.

 

* * *

 

Yangi boyning bolasi otasiga dedi:

— Dada, aylanishga ketayapman, pul bering!

— Bor, shkafda turibdi, olaver!

— Qancha olay?

— Ikki santimetr yetar?..

 

BI-IR KULIShMAYMIZMI?.. 2BI-IR KULIShMAYMIZMI?.. 3BI-IR KULIShMAYMIZMI?.. 4

Добавить комментарий

Ваш e-mail не будет опубликован. Обязательные поля помечены *