«BI-IR KULIShMAYMIZMI?..»

 

 

* * *

 

Qizaloq keksa bobosidan so’radi:

— Bobojon, kallangiz nega bo’m-bo’sh?

 

* * *

 

— Bolajonim, nega egilib olibsan?

— Men cholman!

— Qaerga ketyapsan?

— Pensiyaga.

 

* * *

 

Besh yashar bolani onasi mikrob tushmasligi uchun yaxshilab cho’miltirdi. Faqat qaynagan suv ichishi kerakligini, mikroblardan saqlanishi lozimligini tayinladi. Shunda bola onasiga dedi:

— Oyi, bilasizmi katta bo’lgach, nima qilaman?

— Nima qilasan?

— To’yib mikrob yeyman.

 

* * *

 

Yoqilg’i quyish shohobchasida o’g’il otasidan so’radi:

— Dada, mashina ko’p benzin yeyaversa, katta bo’lib avtobusga aylanadimi?

 

* * *

 

— Dada, menga bo’rining niqobini olib bering!

— Nega?

— Pashshalarni qo’rqitaman.

 

* * *

 

Qiz onasidan so’radi:

— Oyi, odam orzusidagi yorni topishi uchun ko’p vaqt kerak bo’ladimi?

— Ha. Ammo vaqtni qisqartirish uchun ikki-uch marotaba turmushga chiqib olsa ham bo’ladi.

 

* * *

 

To’rt yashar bola ota-onasiga dedi:

— Men uylanaman.

— Ie, kimga?

— Bog’chamizdagi Hilolaga.

— Sizlarni kim boqadi?

— Bizni boqishning keragi yo’q. O’zimiz ovqat yeyishni bilamiz.

 

* * *

 

— Oyi, uchganda qanday holatga tushishimni unutib qo’ydim.

— Sen hech qachon uchmagansan-ku!

— Nega uchmas ekanman? O’zingiz «Seni laylak olib kelgan» degandingiz-ku!

 

* * *

 

Besh yashar bolakay onasiga dedi:

— Oyi, katta bo’lsam, meniyam qizim bo’ladi. Uni ertalab bog’chaga o’zim olib boraman. Undan keyin siz meni maktabga olib borib qo’yasiz.

 

* * *

 

— Oyi, singlim bilan dadasi-oyisi o’ynayveraylikmi?

— Ha, faqat bir-birlaringga idish-tovoq otmasdan o’ynanglar!

Olimjon HAYIT tayyorladi

 

 

 

Добавить комментарий

Ваш e-mail не будет опубликован. Обязательные поля помечены *