“Manchester Yunayted”ning sobiq hujumchisi, “Di Si Yunayted”ning amaldagi bosh murabbiyi Ueyn Runi portugaliyalik hujumchi Krishtianu Ronaldu haqida fikr bildirdi.
“Ronalduning “Manchester Yunayted” uchun qilgan ishlari ajoyib. Va u Premyer-liga chempionligini qo’lga kiritdi, Chempionlar ligasida g’olib chiqdi, ko’plab gollar urdi. Shunday ekan, muxlislar, futbolchilar, ayniqsa, mening davrimda u bilan birga o’ynagan sobiq jamoadoshlari, Ronalduning “Manchester Yunayted” uchun qilgan ishlarini hech qachon unutmaydi, deb o’ylayman. Chunki mening nazarimda u hamisha klub afsonasi bo’lib qoladi”, — dedi Runi.
Eslatib o’tamiz, Ronaldu 2022 yilning noyabrida “Manchester Yunayted”ni tark etgandi. Keyinroq hujumchi “An-Nasr” bilan shartnoma imzoladi.
