«PSJ» hujumchisi Kilian Mbappe yozda katta miqdorda pul mukofoti olishi mumkin, deb xabar beradi The Sun L’Equipe nashriga tayanib.
Manbaga ko’ra, 24 yoshli fransiyalik futbolchining shartnomasida sodiqlik uchun bonus bor: agar futbolchi yozgi transfer oynasida jamoani tark etmasa, u 100 million yevro oladi. Bundan tashqari, agar u Chempionlar ligasida g’olib chiqsa, Mbappening «PSJ» bilan shartnomasi avtomatik ravishda yangilanar edi.
Joriy mavsumda Mbappe barcha musobaqalarda 31 ta o’yinda maydonga tushib, 30 ta gol urdi va 8 ta golli uzatmani amalga oshirdi. Uning shartnomasi 2025 yilning yoziga qadar mo’ljallangan, Transfermarkt futbolchini 180 million yevroga baholamoqda.
Izohlarni ko`rish
