Butunjahon Sog’liqni saqlash Tashkiloti ma’lumotiga ko’ra, 2000 va 2016 yillar oralig’ida global umrning davomiyligi 5,5 yilga ortgan. Ya’ni 66,5 yildan 72 yilga ko’paygan. Biroq hali ham ayollar erkaklarga qaraganda ko’proq umr ko’rmoqda.
Erkaklar kamroq umr ko’rishini mutaxassislar ularning shifokor huzuriga juda kam borishlari bilan izohlashmoqda. Bundan tashqari, erkaklar to’rt marotaba ko’proq qotillik qurboniga aylanishadi va avtohalokatlarda ham ayollarga qaraganda ikki barobar ko’proq halok bo’lishadi.
JSST ma’lumotiga ko’ra, erkaklar o’z joniga qasd qilish borasida ham faolroq bo’lishadi, yurak-qon tomir xastaliklari ularda ko’proq uchrashini-ku, qo’yavering.
Global miqyosida erkaklar orasida o’z joniga qasd qilish holati ayollarga qaraganda 75 foizga ko’proq kuzatilgan.
