Misrda 100 yil ichida ilk bor fir’avn qabri topildi
Italiyaning Sitsiliya orolida arxeologlar noyob artefakt – go‘dakni dafn etish uchun idish sifatida foydalanilgan miloddan avvalgi VI asrga oid terrakota amforasini topdi. Bu haqda “La Brujula Verde” nashri xabar berdi.
Qayd etilishicha, Sitsiliyadagi Qadimgi Yunonistonning Jela shahrida olib borilgan qazishmalarda arxeologlar eramizdan avvalgi VI asrning birinchi yarmiga oid terrakotadan yasalgan amfora topgan, uning ichida chaqaloqning qoldiqlari yotgan edi.
Bu topilma enxitrizm deb nomlanuvchi dafn marosimining dalilidir. Enxitrizm – bolalarni maxsus amforalarga ko‘mish usuli. Jasadlar odatda egilgan holatda yotqizilgan, idishlar esa toshlardagi yoriqlarga ko‘milgan yoki toshlar bilan qoplangan, lekin ular sirtda ko‘rinadigan tarzda qoldirilgan.
Maxsus dafnlar kattalar dafnlaridan alohida tashkil etilgan. Bunday amforalarning ichida ko‘pincha miniatyura buyumlarini, masalan, haykalchalar va o‘yinchoqlarni topish mumkin. Marosim butun O‘rtayer dengizi bo‘ylab keng tarqalgan.
Jelada topilgan amfora suyuqlikni to‘kish uchun nayga ega, xuddi odam qoldiqlarini saqlash uchun ishlatiladigan idish. XX asrning boshlarida arxeolog Paolo Orsi o‘z tadqiqotlarida ushbu mintaqadagi shunga o‘xshash topilmalarni eslatib o‘tgan.
Arxeologlar yana bir qancha enxitrizm qabrlari va kapuchino uslubidagi qabr parchalarini ham topgan. Import qilingan keramika parchalari ayniqsa qiziqarli bo‘lib, topilmalarning sanasini aniqroq aniqlashga yordam bergan. Ushbu ob’ektlar Jela O‘rtayer dengizi savdo yo‘llaridagi muhim nuqta bo‘lganini tasdiqlaydi.
Tahlil va restavratsiya tugallangach, asarlar Jela viloyat arxeologiya muzeyida namoyish etiladi.
Eslatib o‘tamiz, avvalroq Turkiyaning Antalya shahri Aksu tumani hududidagi Perge qadimiy shahar xarobalarida olib borilgan qazishmalarda turli davrlarga oid beshta haykal topilgandi.
