Filmdagi ijrosi omad olib kelgan bo'lsa ham o'sha rolini yoqtirmaydigan yulduzlar haqida bilasizmi?

Filmdagi ijrosi omad olib kelgan bo’lsa ham o’sha rolini yoqtirmaydigan yulduzlar haqida bilasizmi?

Shou-biznes vakillar muvaffaqiyatli karyerani istaydi. Ayrim yulduzlar esa filmdagi ijrosi omad olib kelgan bo’lsa ham o’sha rolini yoqtirmaydi. Buning sababi nimada? Quyida ushbu savolga javob beramiz.

Xolli Berri — «Mushuk ayol»

Filmdagi ijrosi omad olib kelgan bo'lsa ham o'sha rolini yoqtirmaydigan yulduzlar haqida bilasizmi?

Rejissyor Pitof mushuk ayol haqida film suratga olmoqchi bo’lganda hech kim ushbu rolni Xollichalik qoyillatmaydi deb o’ylagan. Ushbu loyihada ishtiroki aktrisani erining xiyonatidan yuzaga kelgan depressiyadan qutulishiga yordam bergan. Ammo bu vaqtda Xolli «Mushuk ayol» karyerasidagi eng yomon ijro bo’lishini bilmagan. Kinolenta «Oltin malina» taqdirlash marosimiga nomzod bo’lgan, aktrisa bo’lsa «Eng yomon ayol ijro» nominatsiya bo’yicha mukofot qo’lga kiritgan. U taqdirlash marosimiga «Oskar» statuetkasi bilan birga tashrif buyurgan va mazkur loyiha karyerasini barbod qilishini kutmaganini ta’kidlagan.

Robert Pattinson — «Sumerki»

Filmdagi ijrosi omad olib kelgan bo'lsa ham o'sha rolini yoqtirmaydigan yulduzlar haqida bilasizmi?

«Sumerki» filmidagi ijrosidan keyin mashhurlikka erishgan aktyor aynan shu filmdagi ijrosini eng ko’p yomon ko’rishi kimni xayoliga kelibdi deysiz? Ma’lumotlarga ko’ra Robert ssenariy va uning muallifi Stefani Mayer hamda o’z qahramoni Edvard Kallendan ko’ngli to’lmagan. Aktyorning aytishiga qaraganda, ssenariyda Edvard obrazi har tomonlama mukammal qilib tasvirlangan va Robert bunday mukammal bo’la olmagan. Shu sabab ham u ssenariyni o’qish davomida qahramonini ko’proq yomon ko’rgan. Aktyor qanday fikrda bo’lmasin bir narsa aniq, aynan ushbu filmdagi roli unga mashhurlikka olib kelgan. Bundan tashqari u birinchi sevgisini ham aynan ushbu filmning suratga olish maydonchasida uchratgan.

Megan Foks — «Transformer»

Filmdagi ijrosi omad olib kelgan bo'lsa ham o'sha rolini yoqtirmaydigan yulduzlar haqida bilasizmi?

Rejissyor Maykl Beyning taklifiga binoan Megan Foks «Transformer»da rol ijro qilishi ma’lum bo’lganda ko’pchilik uni bunday muhim ishni eplay olishiga ishonmagan. Lekin Megan rolini mahorat bilan ijro qilishga muvaffaq bo’lgan va loyihaning yuziga aylangan. Ammo uchinchi qismni suratga olinishi arafasida Megan film haqida salbiy fikr bildirib, rejissyorni Gitler bilan qiyoslagan. Shundan keyin prodyusser Stiven Spilberg uni loyihadan chiqarilishini talab qilgan.

Keyt Uinslet — «Titanik»

Filmdagi ijrosi omad olib kelgan bo'lsa ham o'sha rolini yoqtirmaydigan yulduzlar haqida bilasizmi?

Jahon kinosanoatining eng muvaffaqiyatli filmlaridan biri «Titanik»dagi ijrosidan Keyt Uinsletning ko’ngli to’lmasligiga ishonish qiyin. Aktrisa muxlislaridan qahramoni Rouz haqida eslatmasliklarini so’raydi va filmdagi roli suratiga dastxat qo’yishdan bosh tortadi. Bundan tashqari u filmdagi o’xshamagan amerikancha aksenti bilan so’zlashgani sabab «Titanik»ni tomosha qilishni ham istamaydi. My heart will go on saundtreki yangrashi bilan esa titrab ketadi.

Shon Konneri — «Jeyms Bond»

Filmdagi ijrosi omad olib kelgan bo'lsa ham o'sha rolini yoqtirmaydigan yulduzlar haqida bilasizmi?

Ushbu filmdagi ijro sabab Shon jahonda mashhurlikka erishgan va muxlislari yodida agent 007 bo’lib qolgan. Lekin aktyorning o’ziga ushbu rol yoqmagan. «Men lan’ati Jeyms Bondni doim yomon ko’rganman. Uni o’ldirishni istagan bo’lardim», — degan Shon.

Jessika Alba — «Fantastik to’rtlik»

Filmdagi ijrosi omad olib kelgan bo'lsa ham o'sha rolini yoqtirmaydigan yulduzlar haqida bilasizmi?

Ushbu filmdagi ijrosi sabab nafaqat loyihadagi ishtirokidan hafsalasi pir bo’lgan, balki tanlagan kasbidan ham shubhalangan. Uning aytishiga qaraganda film rejissyori Jessika qanday bajarish mumkinligini bilmagan ko’rsatmalarni bergan. Masalan, Jessikaning tabiiy yig’lashi yoqmagan va undan chiroyliroq ko’z yosh to’kishini so’ragan.

Deniel Redkliff — «Garri Potter va tilsim shahzodasi»

Filmdagi ijrosi omad olib kelgan bo'lsa ham o'sha rolini yoqtirmaydigan yulduzlar haqida bilasizmi?

Garri Potterni Denielsiz tasavvur qilib bo’lmaydi. Aktyorning o’zi esa oltinchi qismdagi ijrosidan uyaladi va unda o’zini juda ham yomon ijro qilgan deb hisoblaydi. Eng yaxshi ijrosini esa filmning beshinchi qismi deb biladi.

Manba: daryo.uz

Filmdagi ijrosi omad olib kelgan bo'lsa ham o'sha rolini yoqtirmaydigan yulduzlar haqida bilasizmi?
loading…

Добавить комментарий

Ваш адрес email не будет опубликован. Обязательные поля помечены *