Tamaddi qilib bo’lgan xo’randa restoran xo’jayinidan so’radi:
— Ayting-chi, siz taom pulini to’lamagan odamni nima qilasiz?
— Nima qilardim? Eshikni ochib, tashqariga uloqtiraman!
— Unda bezovta bo’lmay qo’ya qoling! O’zim qoramni o’chiraman!
***
Ikki dugona suhbatlashyapti:
— Senga judayam havasim keladi. Yigiting shunaqa e’tiborli, xushmuomala, tinmay senga qimmatbaho sovg’alar bergani-bergan. Nega endi unga turmushga chiqib qo’ya qolmaysan?
— Chunki doimo shunday bo’lib qolishini istayman…
***
Tish do’xtiri bo’lib ishlaydigan erkak bemorga bir qarab oldi-da, arrasini qo’liga olarkan, dedi:
— Eshmat, esingdami, biz sinfdosh edik. Har kuni darsdan keyin yo’limni to’sib, ruchkamni tortib olarding, bermasam, basharamga tushirarding…
***
Erkak xafa bo’lib turgandi, do’sti kelib qolib so’radi:
— Nima bo’ldi? Nega qovoq-tumshug’ingni osiltirvolding?
— Men… O’g’illi bo’ldim!
— Ie, zo’r-ku! Buning uchun xursand bo’lishing kerak, jinnivoy!
— To’g’ri. Ammo o’g’illi bo’lganimni xotinim bilib qoldi-da!
