KUN KULGISI…

Facebook orqali bo’lishish

Twitter orqali bo’lishish

* * *

Muallima o’quvchilarga dedi:

— Keyingi darsimiz «Odam miyasining tuzilishi» deb nomlanadi. Hamma ertaga uyidan bolg’a va yod olib kelsin!

* * *

Sharhlovchi:

— Bizning jamoamiz a’zosi raqiblar darvozasiga afsonaviy, ajoyib gol kiritdi. Ular esa uchta tasodifiy gol bilangina javob qaytara olishdi xolos.

* * *

Katta puli bilan katmon yo’qolib qoldi. Katmon egasi cho’ntaklarini titkilayapti. Xotini so’radi:

— Shimingizning cho’ntaklariniyam qaradingizmi?

— Ha.

— Kostyumni-chi?

— Uniyam titkilab tashladim.

— Ichki cho’ntaklarini-chi?

— Yo’q.

— Nega?

— Agar qarasam-u, u yerdayam bo’lmasa, naq infarktga uchrayman.

* * *

— Bemor, sizning rentgen qog’ozingizni yana bir karra tekshirib ko’rib bildimki, jiddiy xatoga yo’l qo’yilibdi.

— Nahotki, do’xtir?

— Ha, juda jiddiy.

Bemor bu gapni eshitib hushidan ketdi. Hushiga kelgach, vrach dedi:

— Nega qo’rqib ketdingiz. Siz boshqa manzilda yasharkansiz. Sizga boshqa poliklinika xizmat ko’rsatishi lozim.

* * *

Ayol eriga dedi:

— Qarang, sochimni kaltagina qilib qirqtirib oldim. Endi kampirga o’xshamabmanmi?

— Ha, endi cholga o’xshabsan.

* * *

— Azizam, men hayotda faqat birgina aqlli ayolni bilaman.

— Kim ekan u ayol?

— Senda, jinni!

* * *

— Qizlar! Aytishlaricha, erkaklar ko’zlari bilan sevarmish!

— Voy, unda men ham erimni ko’z do’xtiriga olib borsam bo’larkan.

* * *

Er-xotin «erkaklardagi do’stlik kuchlimi, ayollardagimi?, degan mavzuda bahslashishyapti. Bahs oxiriga yetgach, sinab ko’rmoqchi bo’lishdi va birinchi bo’lib xotin erining do’stiga qo’ng’iroq qildi:

— Allo! Erim sizning yoningizdami?

— Ha, yonimda edi. Hozirgina do’konga chiqib ketdi.

Shundan so’ng er xotinining dugonasiga qo’ng’iroq qildi:

— Allo! Bizning pari siznikidami? Vey, qachongacha laqillashasizlar? Kela qolmaydimi endi uyga?

Xotinining dugonasi bir muddat o’ylanib turgach, dedi:

— Aka, sizga necha marta aytganman, axir, o’sha yaramasga uylanmang deb?!

* * *

Ziqna va xasis erkak bor ovozda baqirdi:

— E, elektrdan qarzingni to’lamasang, o’chirib ketamiz deb qo’rqitishadi-ya!.. Men-chi, kompyuterdan ham, televizordan ham sham yorug’ida foydalanaman!

* * *

Er uyga otilib kirib baqirdi:

— Xotin! Uy yonyapti! Avval nimani olib chiqay?

Shu payt qaerdandir ovoz keldi:

— Shkafni!

— Kim bu gapirayotgan?

— Biz, paltolarmiz!

Olimjon HAYIT tayyorladi

Aziz do’stim, sizni o’zimizning “WhatsApp”dagi kanalimizga lutfan taklif etamiz! Siz bu kanalda qiziqarli va tezkor xabarlar, bir-biridan ajoyib hikoyalar, davomli asarlarni o’qib, maroqli hordiq olasiz, yana bir qator shu kabi ma’lumotlarga boshqalarga nisbatan oldinroq ega bo’lasiz! Kanalimizga a’zo bo’ling!

https://chat.whatsapp.com/Jwpkj16hPyS5jkvcZxybVc

Facebook’dagi sahifamizda yangiliklarni kuzatish yanada qulay!

Marhamat! A’zo bo’lish uchun “Nravitsya stranitsa” tugmasini bosing: