* * *

Ayol atir-upa do’konida o’ziga xushbo’y atir tanlayapti. Sotuvchi unga yaqin kelib so’radi:

— Yordam kerak emasmi?

— Kerak. Erimning e’tiborini tortadigan atir tanlab bering!

— Hidi qanday bo’lsin?

— Bilasizmi… Kompyuter hidi keladigani bo’lsa deyman.

 

* * *

Vrach qabulida.

— Do’xtir, yuz marta aytdim, men kasalman.

— Yo’q, siz ko’nglingizga yaqin olgansiz. Agar «Men kasal emasman» desangiz, o’zingizni yaxshi his eta boshlaysiz.

— Shunaqami? Unda yaxshi qoling.

— Hoy, maslahat uchun pulni kim to’laydi?

— Siz ham ko’nglingizga yaqin olmay, «Menga pul to’lashdi» desangiz, hammasi yaxshi bo’ladi.

 

* * *

Imtihonda talaba bironta savolga javob bera olmadi. Jahli chiqib ketgan professor baqirdi:

— Eshak!!!

Va yordamchilariga o’girilib dedi:

— Menga bir quchoq poxol olib kelinglar!

Shunda talaba dedi:

— Menga esa bir piyola qahva keltiringlar!

 

* * *

— Dadasi, payqadingizmi? Men besh kiloga ozdim!

— Qanday payqay? Kuni bilan ishda edim-ku!

 

* * *

Bir qiz yaqin dugonasiga dedi:

— Meni kechir, to’yingga bora olmas ekanman. Sharoitim to’g’ri kelmayapti… Lekin ishon, keyingisiga albatta boraman!

 

* * *

Kechqurun elektr poezd vagoniga bo’yniga do’mbira osgan bolakay kirdi-da, ishdan keyin mudrab borayotgan yo’lovchilarga qarab bor ovozda baqirdi:

— Akalar, otalar! Yo mingtadan so’m bering, yoki hoziroq konsertimni boshlayman!

 

* * *

Ishyoqmas erkak do’stiga hasrat qila ketdi:

— Har kuni divanda yotgancha bir ko’zim bilan televizordagi futbolni tomosha qilaman, bir qo’lim bilan pivo ichaman, qurt shimaman, oyog’im bilan itning g’ashiga tegaman. Xotinim bo’lsa, kirib keladi-da, «Kuni bilan qimir etmay yotganing yotgan» deb baqiraveradi.

 

* * *

Kampir nevarasidan so’radi:

— Bolam, meni har gal aqldan ozdiray deydigan nemisning nomi nimaydi?

— Alsgeymer, buvijon, Alsgeymer!

 

***

Qimmatbaho palto xarid qilgan ayol sotuvchiga dedi:

— Iltimos, mana shu paltoni uyimgacha olib borib bersangiz!

— Xo’p.

— Keyin-chi, mening eshigimni taqillatishdan oldin qo’shnilarimnikiga ham bir-bir mo’ralab qo’ysangiz!

— Nega?

— Paltomni ko’rib kuyib ketishsin deyman-da!

 

***

Hamma narsasi yetarli yangi boy bir kuni oltin baliq tutib oldi-yu, nima so’rashni bilmay dedi:

— Qani, men uchun uchta tilak o’ylab top!

 

***

Keksa juhud uzoqlashib borayotgan poezd ortidan ma’yus boqarkan, sekin boshini relsga qo’yib shivirladi:

— Hechdan ko’ra kech-da!