KUN KULGISI… 1

KUN KULGISI…

 

 

* * *

 

Boyvachchaning tavbasi:

— Kun bo’yi chop-choplar shu qadar ko’pki… Qiynalib ketaman… Oqibatda, uyga arang kirib kelaman… Cho’ntakdagi dasta-dasta pullarni chiqarib stolga qo’yishgayam kuch yo’q… Turmaga o’xshaydi bu hayot…

 

* * *

 

Yuragi operatsiya qilingan bemorni vrach uyiga kuzatyapti.

— Xullas, chekish, ichish taqiqlanadi. Kuniga sakkiz soatdan uxlaysiz.

— Ayollar masalasi-chi, do’xtir?

— Faqat xotiningiz bilan… Sizga ortiqcha ehtirosga berilish o’lim demakdir!

 

* * *

 

Kichkinagina bolakay yo’lda ketayotib o’zicha qo’shiq aytyapti:

— Oh, endi seni o’zganing lablari erkalaydi!

Bir yigit uni ko’rdi-da, kuldi.

— Nima, sevgan qizing tashlab ketdimi?

— Yo’q… Chupa-chupsimni yo’qotib qo’ydim.

 

* * *

 

Yalmog’iz kampir o’rmonda ketayotsa, daraxt ustida bir qiz libossiz o’tiribdi. So’radi:

— Uyalmaysanmi kiyimsiz o’tirishga?

— Men kiyimsiz emasman. Bu ehtiros qo’zg’atuvchi kiyim.

Yalmog’iz ham uyga kelib kiyimlarini yechdi-da, ko’chaga chiqdi. Narigi tomondan O’lmas Kashshey kelayotgan ekan.

— Vey, kampir, jinni bo’ldingmi? Nega ko’chada yalang’och yuribsan?

— Yalang’ochmasman. Bu ehtiros qo’zg’atuvchi kiyim.

— Unda shu kiyimingni dazmollab olsang bo’larmidi…

 

* * *

 

Ikki jinni ko’chada ketayotgandi. Biri ikkinchisiga dedi:

— Qara, o’lik qush!

Sherigi osmonga qarab so’radi:

— Qani?

 

***

 

Talabalar turmush qurishdi. To’y kuni kimdir so’radi:

— To’xtanglar, nega kelin ichmayapti?

— U pul qo’shgani yo’q.

 

* * *

 

— Do’xtir, to’g’risini aytishga qo’rqyapman…

— Aytavering! Biz ruhshunoslarga hammasini batafsil aytib bermasangiz bo’lmaydi.

— Qachon qarasam, orqamdan qandaydir begona odamlar ergashib yurgandek tuyulaveradi.

— Shunaqa deng?.. Kim bo’lib ishlaysiz?

— Muzeyda ekskursovodman.

 

* * *

 

Tergovda.

— Xo’sh, bunday oliy ma’lumot haqidagi ajoyib diplomni qaerdan sotib oldingiz?

— Sotib olmadim. Yo’ldan topib oldim.

— O’, aynan sizning nomingizga yozilgan diplomni yo’ldan topib oldingiz! Qanday tasodif!

— Ha.

— Xo’sh, bu tasodifni qanday izohlaysiz?..

— Bu tasodif emas. Pasportimni keyinroq sotib olganman, xolos.

 

* * *

 

Besh yashar bola so’radi:

— Oyi, siz qaerdan paydo bo’lgansiz?

— Meni dengiz to’lqini sohilga chiqarib tashlagan.

— Dada, siz-chi?

— Meni karamning ichidan topib olishgan.

— Opa, siz-chi?

— Meni laylak tashlab ketgan.

— Uf-f, bu uydagilarning birontasi odamga o’xshab tug’ilganmi o’zi, yo’qmi?

 

KUN KULGISI… 2KUN KULGISI… 3KUN KULGISI… 4

Добавить комментарий

Ваш e-mail не будет опубликован. Обязательные поля помечены *