KUN KULGISI… 1

KUN KULGISI…

 

 

* * *

 

— Yemaydi, ichmaydi, lekin o’sishdan to’xtamaydi. Bu nima?

— Narx-navo.

 

* * *

 

— Oshna, mana shu filni bir milyonga sotib oling!

— Bu nima deganingiz? Men bor yo’g’i ikki xonali kvartirada yashasam, shunday katta filga joyni qaerdan topaman? Nima berib boqaman? Yo’q…

— Bo’pti, o’sha pulga ikkita fil beraman.

— Bu boshqa gap.

 

* * *

 

Mijoz rassomning bir asarini sotib olmoqchi bo’ldi. Xursand bo’lgan rassom unga dedi:

— Didingiz ajoyib ekan. Men bu rasm uchun o’n yil umrimni sarflaganman.

— Nahotki, bittagina shu rasmni o’n yil davomida chizgan bo’lsangiz?

— Yo’q, rasmni aslida bir kunda chizib bo’lganman. Qolgan vaqtni uni sotishga sarflaganman.

 

* * *

 

— Oshna, nega hayotimiz bu qadar bir xil kechaveradi-a?

— Nega bunday deyapsan?

— Masalan, kechayam cho’ntagimda hemiri yo’q edi, bugun ham yo’q.

 

* * *

 

— Oh, dugonajon, chiday olmayman! Erim qurg’ur bir o’zimni bu dunyoda yolg’iz qoldirib o’lib ketaverdi!.. Yo’q, men ham o’zimni o’ldiraman! Erimning yonida bo’lishni istayman.

— Menga qara, eringni hech bo’lmasa o’sha yoqlarda tinch yashashga qo’ysang-chi!

 

* * *

 

Psixiatr bemordan so’radi:

— Xo’sh, partiya yig’ilishlaridan bahra ola boshlaganingizni qachon payqab qoldingiz?

 

* * *

 

— Xo’sh, kecha xotining bilan qilgan janjaling qanday tugadi?

— U qarshimda tiz cho’kdi.

— Nima dedi?

— «Yaramas, karavotning ostidan chiq!» dedi.

 

* * *

 

— Qo’shni, derazangizni kim sindirdi?

— Kim bo’lardi? Yaramas erim-da!

— Voy, eringiz sira to’polon ko’tarmasdi-ku!

— To’g’ri. U yaramasga katta laganni otgandim, chap berib qoldi.

 

* * *

 

Er-xotin janjallashishyapti:

— Vey, nega menga turmushga chiqqansan-a? Har kuni janjallashish uchunmi?

— Men sizning bunchalik ahmoq ekaningizni bilmagandim.

— Yolg’on gapirma! Ahmoqligimni juda yaxshi bilgansan.

 

* * *

 

— Xotin, eshitdingmi, kechasi rosa momoqaldiroq gumbirladi?!

— Ie, nega meni uyg’otmadingiz? Axir momoqaldiroq gumbirlaganda uxlay olmasligimni bilardingiz-ku!

 

 

Добавить комментарий

Ваш e-mail не будет опубликован. Обязательные поля помечены *