* * *

 

— Do’stim, sen xotiningni qanday topgansan?

— Internetning sharofati bilan.

— Ie, tanishuv sayti orqalimi?

— Yo’q, modemim buzilib qolgandi, teatrga bordim. O’sha yerda tanishganman.

 

* * *

 

Talaba berilib kitob o’qirdi. O’tib ketayotgan boshqa bir talaba so’radi:

— Nima o’qiyapsan?

— Geometriya.

— Ha, men ham o’qiganman. Oxirida qahramonni o’ldirib qo’yishadi.

 

* * *

 

Qishloq. Pechka yonida o’tirgan ota o’g’lidan so’radi:

— O’g’lim, og’ilxonani yopdingmi?

— Ha.

— Devorning teshiginiyam yopdingmi? Tag’in sigir qochib chiqib ketmasin!

 

* * *

 

Ona beshinchi qavatdan turib yetti yashar o’g’liga baqirdi:

— Hoy, bolam, o’rtog’ingni hadeb do’pposlayverma! Terlab ketasan, keyin shamollaysan!

 

* * *

 

Sklerozning eng og’ir formasi begona ayolni uyingga olib kelding-u, nima maqsadda olib kelganingni unutib qo’yishdan iboratdir.

 

* * *

 

Xotin kompyuterchi eridan so’radi:

— To’yimizga bir yil to’lgan kunni eslay olasizmi?

— Ha, antivirusga olingan ruxsatnomaning muddati tugagan kunda.

 

* * *

 

Birga yashaganlariga 75 yil to’lishi munosabati bilan bayram qilayotgan chol kampiridan so’radi:

— Menga qara, 75 yil ichida biz sen bilan o’n o’g’ilni voyaga yetkazdik. Hammasi bir-biriga o’xshaydi-yu, faqat birinchisi boshqalaridan sal farq qiladi-da! Yo qachonlardir menga xiyonat qilganmisan-a?

— Chol, tan olaman, qachonlardir gunohga botganman.

— Xo’sh, birinchi o’g’lingning otasi kim?

— Siz.

 

* * *

 

— Og’ayni, guldastang zo’r-ku! Kimga atab olding?

— Sevgilimga.

— Zo’r, rosa xursand bo’lsa kerak?

— Afsuski, yo’q!

— Nega?

— Men bu guldastani uning qabriga olib ketayapman.

 

* * *

 

— Do’xtir, menga bosh og’rig’ini qoldiradigan dori yozib berishingizni so’raganimda, nega titrab ketaverdingiz?

— Chunki, men birinchi marotaba gapiradigan itga dori yozib berayapman.

 

* * *

 

Boyvachchaning xotini eriga dedi:

— Dadasi, men sizning eski, yirtilib qolgan kostyumingizni axlatga tashlab yubordim!

— Nima?.. Jinnimisan? Endi men soliq idorasiga nima kiyib boraman?

 

* * *

 

Xotin eriga dedi:

— Anavi yo’lning narigi chetidagi qo’shnilarga hech qachon yeta olmasak kerak. Qarang, ularning uyini o’g’rilar ikki marta o’marib ketishdi. Biznikiga bo’lsa, hali bir martayam o’g’ri tushgani yo’q.