* * *
Xotin eridan so’radi:
— Meni sevasizmi?
— Albatta.
— Basharti sizga xiyonat qilsam, kechira olarmidingiz?
— Ie, qiziqchimisan? Marhumlarni kechirmay bo’larkanmi?!.
* * *
Yo’l patrul xizmati xodimi boshlig’iga dedi:
— O’rtoq polkovnik, menga baxt kulib boqdi!
— Qanday baxt?
— O’g’illi bo’ldim.
— Tabriklayman! Xo’p, hozir hisobchiga aytaman, senga yuz ming so’m mukofot yozadi.
— O’rtoq polkovnik! Men o’g’illi bo’ldim deyapman!
— Uf-f, o’zing ham ja qaysarsan-da! Bo’pti, radar bilan «40» degan belgini olgin-da, xohlagan joyingga boraver!
* * *
Bolakay ota-onasidan so’radi:
— Dada, piyoz foydali mahsulotmi?
— Ha.
— Oyi, qaymoq ham foydalimi?
— Albatta.
— Dada, menga piyozli va qaymoqli pechenye olib bering!
* * *
— Nega xomushsan?
— Xotinim bilan telefonimdan ayrildim.
— Birdan-a?
— Yo’q, oldiniga yaramas o’g’rilar telefonimni o’g’irlashdi. Keyin xotinimga qo’ng’iroq qilib qaerdaligimni, nima ish bilan mashg’ulligimni aytishibdi.
* * *
Yigit qo’ltiqtayoqda ketib borayotgan tanishidan so’radi:
— Nima bo’ldi?
— Mashina urib ketdi.
— Endi qo’ltiqtayoqsiz yura olmas ekansanmi?
— Bilmadim. Do’xtir yura olasan deyapti. Advokat esa aksini gapiryapti.
* * *
Erkak do’konga kirib sotuvchidan so’radi:
— Bodring bormi?
— Yo’q.
— Pomidor-chi?
— Yo’q.
— Karam-chi?
— Vey, xit qilib yubordingiz-ku odamni! Bu yer sabzavotlar do’koni, ma’lumot byurosi emas!
* * *
— Og’ayni, ertaga xotinimning tug’ilgan kuni. Nima sovg’a qilishni bilmay boshim qotdi.
— Xotining nimani ko’proq yaxshi ko’radi?
— Katta tezlikda osmonu falakka parvoz qilishni.
— Unda supurgi sovg’a qil!
* * *
— Onasi, ayt, tug’ilgan farzand ko’proq kimga o’xshashi kerak?
— Otasiga.
— Ahmoq, otasigamas, eringga o’xshashi kerak.
* * *
Xotin eridan so’radi:
— Dadasi, tug’ilgan kunimga nima sovg’a qilmoqchisiz?
— Tashqariga qara! Hov anavi qora «BMV»ni ko’rayapsanmi?
Xotin (quvonib): — Ha-a, dadajonisi, ko’ryapman!
— Xuddi o’sha rangda ajoyib paypoq sovg’a qilaman.
