* * *
Armiya. Serjant kazarma eshigi yonida turgan navbatchi askardan so’radi:
— General kelmadimi?
— Yo’q.
— Kelsa, darrov menga xabar ber!
— Xo’p bo’ladi!
Ikki soatcha o’tgach, kazarmaga general kirib keldi. Navbatchi askar undan so’radi:
— Senmi general?
— Ha, men.
— Vey, qanaqa bo’shashgan generalsan-a? Sen yaramasni ikki soatdan beri serjant izlayapti!
* * *
— Qaysi ovqat umuman kaloriyasiz hisoblanadi?
— Ko’z bilan yeyiladigani.
* * *
— Yemaydi, ichmaydi, lekin o’sishdan to’xtamaydi. Bu nima?
— Narx-navo.
* * *
— Nega Avstraliya itlari dunyoda eng tez yuguradigan itlar hisoblanadi?
— Chunki, Avstraliyada daraxtlarning oralig’i boshqa davlatlardagiga nisbatan uzoq.
* * *
Kameraga yangi mahbusni olib kirishdi. U boshqa mahbuslarga dedi:
— Qo’rqmanglar, men bu yerda ikki haftagina yashayman xolos.
— Nima sababli qamalding?
— Xotinimni onasi bilan birga so’yib tashladim.
— Shunga ikki haftagagina qamashdimi?
— Yo’q, ikki haftadan so’ng meni osishadi.
* * *
Bir yigit kechasi katta ko’chada ketayotgandi. Ro’parasidan devday bir erkak chiqib muloyim ohangda so’radi:
— Oshna, soat necha bo’ldi?
— O’n ikki.
— O’ soating zo’r-ku, qani, buyoqqa cho’z!..
— Voy-do-od! Yordam beringlar-a-ar!..
— Ie, hali tishlaring ham tillamidi?
* * *
Bashang kiyingan bir bosqinchi sekin bankdagi hisobchi qizga yaqin bordi-da, unga bir xat tutqazdi. Xatda shunday deb yozilgandi:
— Hamma pullarni xaltaga joylab, sekin mening qo’limga topshiring!..
Qiz boshqa qog’ozga shunday javob xati yozib o’g’riga uzatdi.
— Bo’yinbog’ingizni to’g’rilab oling! Sizni suratga olishyapti!
* * *
Turma yonidan o’tib ketayotgan go’zal bir qizga mahbuslar panjara ortidan turib qichqirishdi:
— Yaxshi qiz!.. 2030 yil kechqurun soat yettida bo’shmisiz?
* * *
O’g’ri sherigidan so’radi:
— Bugun restoranda tushlik qildingmi deyman?
— Sen qaerdan bila qolding?
— Yangi palto kiyib olibsan-ku!
* * *
Talaba sherigiga dedi:
— Kecha yarim tunda menga bosqinchi hujum qildi.
— Ie, nahotki?.. Keyin nima bo’ldi?
— Cho’ntaklarimni kovlashtirib ko’rdi-da, negadir og’ir xo’rsinib qo’limga bir dollar tutqazdi-yu, g’oyib bo’ldi.
* * *
Vrach bemordan so’radi:
— Ichasizmi?
— Yo’q demasdim.
* * *
Xaridor sotuvchiga baqirdi:
— Bu qanday insofsizlik? Menga shikoyatlar kitobini olib keling!
— Qaysi tomini?
Olimjon HAYIT tayyorladi
