* * *
Bir yigit taksida uyigacha yetib kelgach, ayyorlik qildi. U pastga tushiboq mashina eshigini yopmasdan turib cho’ntaklarini kovlay-kovlay dedi:
— Jin ursin! Salonda yuz dollar pulimni tushirib qo’ydim shekilli!
Buni eshitgan haydovchi eshik yopilishini ham kutib o’tirmay, gazni bosdi-yu, jo’nab qoldi.
* * *
Yo’l patrul xizmati xodimi erta tongda o’g’lini uyg’otyapti:
— Turaqol, o’g’lim, ishga kech qoldik!
— Soat necha bo’ldi o’zi?
— Olti yarim bo’ldi.
— Ie, hali erta-ku!
— Qanaqasiga erta bo’lsin? Yarim soatdan beri haydovchilar maza qilib tekinga yo’l bosyapti.
* * *
Komandir parashyutdan askarlarni birma-bir sakrashga undayapti:
— Birinchi, sakra! Ikkinchi sakra! Shunday, shunday! Parashyutlar esdan chiqmasin, parashyutlar!
* * *
Ikki gadoyning suhbatidan:
— Yaqinda qizimni turmushga berdim.
— O’, zo’r-ku! Xo’sh, sepiga nima qo’yding?
— Nima bo’lardi? Bor budimni tortib oldi. Shahardagi markaziy ko’chani sovg’a qilib yubordim.
* * *
Er-xotin birgalashib uy yig’ishtiryapti. Xotin eriga guldonni berib, yuvib chiqishni iltimos qildi. Er vannaxonaga kirib ketgach, hech qancha o’tmay, nimaningdir singani eshitildi. Guldon sindi deb o’ylagan xotin xursand bo’lib qichqirdi:
— Mayli, dadasi, yaxshilikka, yaxshilikka!
— Qanaqa yaxshilik? Rakovinani sindirib qo’ydim!
* * *
Ikki askar harbiy mashq maydoni bo’ylab ketib borishardi. Biri ikkinchisiga dedi:
— Yur, soqchiga bir hazil qilib ko’ramiz!
— Ho, dekanga bir marta hazillashib mana shu yerga kelib qolganman. Kerakmas!
* * *
Bolakay onasiga baqirdi:
— Demak, menga shokolad bermaysiz-a? Bo’pti! Hozir ko’chada ketayotganda, sizni «buvi» deb chaqiraman!
* * *
Maktab direktori oltinchi sinf o’quvchisidan sinfxona oynalarini bo’yashni iltimos qildi. Bir soatdan so’ng o’quvchi undan so’radi:
— O’rtoq direktor, romlariniyam bo’yaymi?
loading…
