* * *
O’g’ridan tanishi so’radi:
— Nega poyma poy botinka kiyib olibsan?
— Do’kondorlar ahmoq. Ular peshtaxtaga botinkaning bir poydanini qo’ysak hech kim o’g’irlamaydi deb o’ylashadi.
* * *
Avtobus bekatida yoshi to’qsondan oshgan kampir qaltiragancha qo’l telefonini kovlashtirardi. Yonidan bir yigit o’tib qoldi. Kampir unga dedi:
— Bolam, manavi telefonda sms yozishni bilmayapman. Yozib bergin!
— Nima deb yozay, momo?
— «Siz ermas, yaramassiz! Meni qidirib ovora bo’lmang! Men oyimnikiga ketdim!» deb yoz!
* * *
Er uyga kelib xotiniga dedi:
— Ishxonamda muammo paydo bo’ldi.
Xotin muloyim ovozda javob qildi:
— Xavotir olmang, azizim! Hech qachon ishxonamda demang, ishxonamizda muammo paydo bo’ldi deng! Sizning muammongiz meniyam muammom!
— Xo’p, xullas, kotibamiz homilador. Bizdan farzand kutyapti.
* * *
Ayol eriga qo’ng’iroq qilib dedi:
— Azizim, kechiring, sizga adashib ichketarga qarshi dorining o’rniga asabni tinchlantiradigan dori ichiribman. Qalaysiz hozir?
— Nima desam ekan? Umuman… Yugurishdan to’xtaganim yo’q, ammo juda xotirjamman.
* * *
«Tanishuv» saytidagi yozishmadan.
— Jonim, bo’yingiz necha santimetr?
— Bir yuz qirq.
— Oh, ixchamgina qirolicham! Vazningiz qancha?
— Vaznim yanayam kamroq. Atigi bir yuz yigirma.
* * *
Yigit ko’chada sobiq muallimasini uchratib qoldi. Muallima undan so’radi:
— Toshmatov, hozir nima ish qilyapsan?
— Metereologman, ustoz!
— Uf-f, bolaligingda rostgo’y bola eding-ku!
***
Ishda ikki hamkasb suhbatlashyapti. Biri ikkinchisidan so’radi:
— Ishxonamizda skeleroz bilan og’rigan xodim bormi?
— Nima qilasan?
— Qarz olmoqchiydim.
* * *
Ikki tanish avtobus bekatida uchrashib qolishdi. Biri ikkinchisidan so’radi:
— Qara, anchadan beri ko’rishmabmiz-a! Uylandingmi?
— Yo’q.
— Ie, nimani kutyapsan?
— Avtobusni.
* * *
Er umrida birinchi marta parashyutdan sakradi. Uni pastda xotini va o’g’li kuzatib turishardi. Er yerga qo’ndi. Ammo hadeganda o’rnidan turavermadi. Shunda xotini o’g’ilchasiga dedi:
— Borib qara-chi, dadang nafas olyaptimikan?
O’g’ilcha dadasining tepasiga bordi-da, darrov ortga qaytdi va onasiga dedi:
— Dadam nafas olyapti. Lekin uning yonida umuman nafas olib bo’lmaydi.
* * *
Filarmoniya zali. Konsert boshlandi. Boshlovchi tomoshabinlarga e’lon qildi:
— Shostakovichning oltinchi simfoniyasi!
Shunda zalda o’tirgan er xotinini koyidi:
— Ko’rdiingmi, ikki soat bo’yanding. Agar tezroq tayyor bo’lganingda, beshta simfoniyani o’tkazib yubormagan bo’lardik.
loading…
