* * *
Yigit tanishiga dedi:
— Kecha itimni qorni ochsa uch marta hurishga o’rgatdim. Kun bo’yi shu ish bilan band bo’ldim.
Ular bir haftadan so’ng uchrashib qolishdi va tanishi so’radi:
— Xo’sh, o’rgatoldingmi?
— Ishonasanmi, endi o’zim uch marta hurib bermagunimcha, itim hech narsa yemayapti.
* * *
Kotiba direktor kabinetiga bir yigitni boshlab kirdi:
— O’rtoq boshliq, men oldingizga qallig’imni olib keldim. Sizning qari, kal va xunuk ekaningizga ishonch hosil qilsin dedim!
* * *
Ikki erkak suhbatlashyapti:
— O’g’lingiz maktabni tugatgach, nima bilan shug’ullanmoqchi?
— Agar buyog’iga ham xuddi hozirgidek o’qisa, maktabni tugatishi bilan nafaqaga chiqadi.
* * *
Ona o’g’liga dedi:
— Uyat emasmi? Yana sinf rahbaring ustingdan shikoyat qildi! Dadangdan o’rnak olsang bo’lmaydimi? Yaxshi xizmat qilgani uchun qamoqxonadan muddatidan oldin chiqarib yuborishibdi.
* * *
Guldasta ko’tarib ketayotgan yigitni tanishi ko’rib qolib so’radi:
— Qaerga ketyapsan?
— Boshlig’imiznikiga.
— Tinchlikmi?
— Qizining qo’lini so’ramoqchiman.
— Qaysi birining? Axir, boshlig’ingning ikki qizi bor!
— Agar boshlig’imning kayfiyati yaxshi bo’lsa, kichigini, mabodo yomon bo’lsa, kattasining qo’lini so’rayman.
* * *
— Yaxshi qiz, tijorat bilan shug’ullanishni istaysizmi?
— Ha, faqat oyim bilmasin!
* * *
Samolyotga chiqmoqchi bo’layotgan ayolni militsioner to’xtatib dedi:
— Xonim, samolyotga it bilan chiqish mumkin emas.
— Voy, bu haqiqiy it emas, yumshoq o’yinchoq-ku!
— Baribir mumkin emas. Bizga zotining farqi yo’q!!!
* * *
Bir yigit ruhoniydan so’radi:
— Millionerlar ham jannatga tushadimi?
— Albatta.
— Odamxo’rlar-chi?
— Hech qachon.
— Millionerni yeb qo’ygan odamxo’r-chi?
* * *
Odamxo’rlar orasida besh yil yashab qaytgan sayohatchi gapini tugatgach, uy bekasi dedi:
— Voy xudoyim-ey!.. Sizni xafa qiladigan bo’ldik-da, mehmon!
— Nega?
— Bugungi ovqat faqat qo’y go’shtidan edi.
* * *
Odamxo’rlar o’ljaning ismini so’rashdi.
— Ismimni nima qilasizlar?
— Taomnoma uchun kerak.
loading…
