* * *
Ona uch yashar bolasini alla aytib uxlatardi. Bir soatga yaqin alla aytdi hamki, bolasi uxlay qolmadi. Bir mahal u asta ko’zini ochdi-da, dedi:
— Oyi, gap yo’q! Allani zo’r aytasiz! Ammo tushuning, men uxlashim kerak!
* * *
Yigit do’stidan so’radi:
— Sen umringda odamlarga yaxshilik qilganmisan?
— Albatta.
— Qanaqa yaxshilik qilgansan?
— Masalan, kecha «Wi-Fi» internetimning parolini o’zgartirgunimcha, qo’shnilar undan bepul foydalanishdi.
— Parolni o’zgartirishing uchun qancha vaqt ketdi?
— 45 soniya.
* * *
Institut. Beshinchi para. Talabalardan biri muallimga dedi:
— Ustoz, iltimos, bizga ruxsat bersangiz! Judayam charchadik.
— Bo’pti, mana shu qo’limdagi bo’r tugasa, darsni tamomlayman.
Talaba:
— Unda o’sha bo’rni menga bering, yeb qo’ya qolay!
* * *
Erkak daryodan oltin baliq tutib oldi. Baliq unga yolvordi:
— Iltimos, yaxshi odam, meni qo’yib yubor! Uchta tilagingni bajo keltiraman!
— Shunaqami? Unda eshit! Men «Dunyo go’zali»ga uylanishni, Gavay orollarida villam bo’lishini va kissamda ikki milliard dollar pulim bo’lishini xohlayman. Bu birinchi tilagim…
* * *
Erkak do’stiga hasrat qilyapti:
— Kecha o’g’limning portfelidan giyohvand moddalar topib oldim. Vey, ishonasanmi, bolam endi o’n yoshga kirdi. Halitdan uydagi narsalarni ko’chaga tashishni boshlabdi-ya!
* * *
Korxona rahbari tanishiga dedi:
— O’tgan yili xizmat safariga ketayotib, ehtiyot shart uydagi shkafga ayiq ovlaydigan qopqon qo’ygandim. Safardan qaytsam… Vey, ishonasanmi, shkafda o’tiribdilar janob!
— Xotiningning jazmanimi?
— Yo’q, ayiq!
* * *
Ota shahardagi universitetga kirish imtihoni topshirishga ketgan o’g’liga qo’ng’iroq qilib so’radi:
— Xo’sh, imtihon qanday o’tdi?
— Zo’r o’tdi! Muallimlar hayratdan qotib qolishdi, dada! Kuzda yana qaytadan imtihon topshirishimni iltimos qilishyapti!
* * *
Ayol dugonasiga dedi:
— Ishonasanmi, kecha erim bilan janjallashib qoldim. Jahl ustida «O’zingga yoqqan narsalarni ol-da, ko’zimdan yo’qol!», degandim, jomadoniga meni joylamoqchi bo’ldi… Shundan keyin… Yarashdik, dugonajon!
* * *
Gruziya maktabida dars jarayoni. Muallima kimning otasi kim bo’lib ishlashi haqida o’quvchilardan so’radi. Birining otasi do’kondor, boshqasining otasi uchuvchi ekani ma’lum bo’ldi. Navbat Giviga yetdi. U asta shivirladi:
— Mening otam muhandis!
Sinfxonada kulgi ko’tarildi. Muallima esa o’quvchilarga baqirdi:
— Bu nimasi? Bolaning boshiga shuncha kulfat tushgan ekan-u, sizlar kulasizlarmi?
* * *
Bolalar bog’chasidagi e’londan:
«Ertaga bog’chamizda shanbalik o’tkaziladi. Shanbalikda qatnashmagan ota-onaga bolasi qaytarib berilmaydi.!»
* * *
Tish do’xtiri bemorga dedi:
— Mana, tishingizni davolab qo’ydim! Endi ikki soatgacha hech narsa yemang!
— Be, bittagina tish davolatganim uchun sizga shuncha pul bergandan keyin-chi, uch oygacha ochlik e’lon qilaman!
Olimjon HAYIT tayyorladi
