***

— Sherni sahroda qanday tutib olish mumkin?

— Yaxshisi, mushukni tutib olib, to “Sherman” deb bo’yniga olmaguncha kaltaklayverish kerak.

 

***

Talaba imtihonda savolga qoniqarsiz javob bergach, professor uning imtihon varaqasiga “Eshak” deb yozib qo’ydi.

Talaba:

— Ustoz, imzo qo’yishga qo’ydingiz-u, lekin baho qo’yishni unutdingiz!

 

***

Ideal ayol — bu maktab muallimasi. Faqat ugina dunyoda savol berib javobni eshitish uchun sukut saqlaydigan yagona ayoldir.

 

***

Chekuvchilarga maslahat:

— “Ma’lumki, bir martalik jilmayish umrni besh daqiqaga uzaytiradi. Bitta chekib tashlangan sigaret esa umrni o’n besh daqiqaga qisqartiradi. Shunday ekan, chekayotganingizda uch marta jilmayib qo’ysangiz, sigaret umringizga salbiy ta’sir ko’rsata olmaydi.”

 

***

Mehmon uy egasidan so’radi:

— Sigaret cheksam maylimi?

— O’zingizni xuddi uyingizdagidek tutavering!

Mehmon bu gapdan so’ng og’ir xo’rsindi-da, sigaretini cho’ntagiga yashirib qo’ydi.

 

***

— Og’ayni, bolalikdagi orzularingning birontasi ushaldimi?

— Ha, bittasi ushaldi.

— Qaysisi?

— Bolaligimda otam sochlarimdan tortib kaltaklasa, doimo kal bo’lib qolishni orzulardim.

 

***

Er teskari o’girilib kiyimini almashtirardi. Xotini yelkasi tirnalganini ko’rib so’radi:

— Yelkangizni kim tirnadi?

— E, yo’lda ketayotsam, allakimning tomidan bir mushukcha ustimga sakrasa bo’ladimi!.. O’sha mushukcha…

— To’g’ri, demak, lab bo’yog’i bilan “Sizning mushukchangiz” deb o’sha yozgan ekan-da?!.

 

***

Yigit qizga dedi:

— Yur, restoranga boramiz!

— Men, bormayman. Sizdan xafaman.

— Yura qolgin!

— Mensiz boravering.

— Pulim bo’lmasa qanday qilib sensiz restoranga boraman?

 

***

— Jonim, yur, kinoga boraylik!

— Ketdik!

— Yigiting qarshi bo’lmasmikan?

— Mening yigitim yo’q. Erim urib o’ldirib qo’ygan.

 

***

Er uyiga kelsa, xotini dasturxon tuzab, dasturxonga o’n sakkizta shamni yoqib qo’yibdi. U hayron bo’lib so’radi:

— Xotin, bugun kimning tug’ilgan kuni?

— Paltoimning.

— Nima?

— Ha, paltoim bugun balog’at yoshiga yetdi.

 

***

Vrach kabinetga kirib kelgan bemorga dedi:— Siz zudlik bilan ko’zoynak taqishingiz kerak!— Ie, hali meni tekshirib ko’rmadingiz-ku!

— To’g’ri, lekin siz kabinetga derazadan oshib tushdingiz.