* * *
Amerikada qurol do’koniga to’rtinchi sinfda o’qiydigan bolakay kirib kelib sotuvchiga dedi:
— Menga bitta «Kalashnikov» avtomati, ellikta patron va bir quti gugurt bering!
— Hoy, o’g’lim, gugurtni nima qilasan? Biz yosh bolalarga gugurt sotmaymiz!
* * *
Bu holat har bir er-xotin o’rtasida bo’lishi mumkin. Xullas, xotin eriga dedi:
— Dadasi, hech qursa, qilib qo’ygan ishingiz uchun uzr so’rasangiz bo’lardi!
— Xo’p, kechir, xotin!
Xotin ters o’girilib, alamli shivirladi:
«He kechirimingminan qo’shmozor bo’l!»
* * *
Ota o’g’liga dedi:
— O’g’lim, uylansang, ana o’shanda haqiqiy baxt qandayligini bilasan!
— Rostdanmi?
— Ha, ammo unda kech bo’ladi.
* * *
Sudya guvohdan so’radi:
— Ayting-chi, jabrlanuvchi ayol va sudlanuvchi erkak er-xotinlarday yasharmidi?
— Voy, o’rtoq sudya, bu nima deganingiz? Undanam yaxshiroq yashashardi.
* * *
Er-xotin mashinada ketib borishar, tinimsiz janjallashishardi. Bir mahal er yo’l chetida turgan ikki eshakni ko’rdi-yu, xotiniga dedi:
— Ana, qarindoshlaring turishibdi!
— Ha-a, qaynonam bilan qaynotam!
* * *
Xotini bilan ajrashgan erkak yaqin do’stiga hasrat qilyapti:
— Ayol kishi shunday mavjudot ekanki, ajrashgach, er chiqib ketayotgandayam bir marta «shirin» gap aytib qolarkan.
— Masalan, qanaqa shirin gap aytarkan?
— Er chiqib ketayotganda «Baxtli bo’l, hayvon!» derkan.
* * *
Juhud ayoli eriga dedi:
— Abram, tomorqada tovug’imiz juda xafaqonday mung’ayib turibdi. Balki undan sho’rva tayyorlarmiz? Nima deysiz?
— Agar shu bilan xafachiligi tarqasa, mayli.
* * *
Yigit do’stiga dedi:
— Armiyaga bormasdan oldin tinch uxlardim. Chunki bilardimki, bizni qo’riqlashadi. Armiyaga borgach, umuman yomon uxlaydigan bo’ldim. Xalqimni qo’riqladim. Armiyadan kelgach, yanayam yomon uxlay boshladim. Sababi, bizni kimlar qo’riqlashini yaxshi bilaman.
* * *
Xotin:
— Dadasi, oyimni avtobus urib ketibdi!
Er:
— Azizam, meni qiynamasang-chi! Lablarim sovuqdan yorilib ketgan. Kula olmayman!
* * *
Erkak gazeta do’koni tuynugidan otkritkalarni tomosha qilib oxiri sotuvchiga dedi:
— Ajoyib otkritkalar ekan. Ularga nima deb yozilgan?
— «Yakka-yu yolg’izimga».
— O’, unda 20 tasini bering!
* * *
Erkak daraxt shoxida o’tirgan kakkudan so’radi:
— Kakku, men qancha yashayman?
— Ku-ku!
— Shuncha kam umrim qoldimi?
— Shungayam shukr qil! Umuman aytganda omading bor ekan. Men duduqman.
Olimjon HAYIT tayyorladi
